ઝારખંડની રાજધાની રાંચીમાં મહિલા સબ ઈન્સ્પેક્ટરને ગાડીથી કચડીને હત્યા કરી દેવામા આવી છે. આ મામલો જિલ્લાના તુપુદાના ઓપી હદ વિસ્તારના હુલહુન્દુનો છે. જ્યાં વાહન ચેકીંગ દરમિયાન 2018 બૈચના સબ ઈન્સ્પેક્ટર સંધ્યા ટોપનો ને જાનવરોથી ભરેલી પિકઅપ વાને કચડી નાખ્યા છે. જેના કારણે સબ ઈન્સ્પેક્ટરનું ઘટનાસ્થળે જ મોત થઈ ગયું હતું. પ્રાપ્ત જાણકારી અનુસાર આ ઘટના બુધવારે સવારે 3.00 કલાકની આસપાસ થઈ હતી. ઘટનાની સૂચના મળ્યા બાદ વરિષ્ઠ પોલીસ અધિકારીઓ ત્યાં પહોંચ્યા હતા.
સૂત્રો દ્વારા મળતી જાણકારી અનુસાર, ગૌતસ્કર સિમડેગાથી પિકઅપ વાનમાં તસ્કરી માટે પશુઓ લઈને જતા હોવાની બાતમી પોલીસને મળી હતી. ત્યાર બાદ સિમડેગાના બસિયા પોલીસે પિકઅપ વાનનો પીછો કર્યો અને પશુઓ ભરેલી પિકઅપ વાન ડ્રાઈવર ગાડી લઈને ભાગવાનું શરૂ કર્યું. ઘટનાસ્થળ પર હાજર રહેલા પોલીસે તેની સૂચના કામડારા પોલીસને આપી.
બેરિયર તોડીને ભાગ્યો ડ્રાઈવર
પોલીસે ત્યાં બેરિયર લગાવ્યા હતા, પણ ડ્રાઈવર તેને તોડીને ભાગ્યો. બાદમાં તોરપા પોલીસે બેરિયર લગાવ્યા તો, તેને તોડીને ભાગ્યા, ત્યાર બાદ સૂચના ખૂંટી પોલીસને આપવામાં આવી. ખૂંટી પોલીસે રાતમાં નાકા પર ચેકીંગ લગાવ્યું ત્યાંથી ખો આપીને અન્ય એક રસ્તાથી તસ્કર રાંચી તરફ ભાગ્યા. ત્યાર બાદ સિમડેગા પોલીસે રાંચી પોલીસને સૂચના આપી.
રાંચી પોલીસે ખૂંટી રાંચી સરહદ પર તુપુદાના ઓપી વિસ્તારના હુલહુન્દાની પાસે ચેકીંગ લગાવ્યું હતું. આ તમામની વચ્ચે લગભગ 3 વાગે ખૂબ જ સ્પિડમાં એક સફેદ રંગની પિકઅપ વાન આવતી દેખાઈ. ચેકીંગ દરમિયાન સબ ઈન્સ્પેક્ટર સંઘ્યા ટોપનો પોતાની ફોર્સ સાથે ઊભા હતા. ગાડી રોકવાનો ઈશારો કર્યો, પણ ડ્રાઈવરે મહિલા પોલીસ પર ચડાવીને ભાગી ગયો. સબ ઈન્સ્પેક્ટરનું ઘટના સ્થળે જ મોત થઈ ગયું અને ડ્રાઈવર ગાડીને લઈને ફરાર થઈ ગયો હતો.