ઝારખંડથી દુ:ખદ અહેવાલ સામે આવ્યાં છે. જ્યાં નેશનલ શૂટર કોનિકા લાયકની શંકાસ્પદ પરિસ્થિતિમાં કોલકતામાં નિધન થયુ છે. કોનિકાએ રાષ્ટ્રીય સ્તરે અનેક મેડલ જીત્યા છે. ફક્ત ઝારખંડ જ નહીં, પરંતુ રમત-જગત ક્ષેત્રે તેમણે પોતાની એક અલગ ઓળખ બનાવી હતી.
નેશનલ શૂટર કોનિકા લાયકનું શંકાસ્પદ સ્થિતિમાં નિધન
કોનિકાએ રાષ્ટ્રીય સ્તરે અનેક મેડલ જીત્યાં
ઝારખંડ જ નહીં, પરંતુ રમત-જગત ક્ષેત્રે અલગ ઓળખ બનાવી હતી
કોનિકાના નિધનથી તેના ચાહકો સ્તબ્ધ થયા
કોનિકા લાયકના શૂટીંગના ચાહક બોલીવુડ એક્ટર સોનૂ સૂદ પણ છે. પરંતુ કોનિકાની રહસ્યમય સંજોગોમાં મોત થવાથી પરિવાર સાથે અનેક લોકો સ્તબ્ધ થઇ ગયા છે. આ દુર્ઘટના છે કે ષડયંત્ર તેની માહિતી મળી નથી. ખરેખર, શૂટર કોનિકા લાયક વર્તમાનમાં કોલકતામાં રહીને જયદીપ કર્મકાર શૂટીંગ એકેડમીમાં ટ્રેનિંગ લઇ રહી હતી. 3 દિવસ પહેલાં કોનિકાની માં કોલકતામાં પોતાની દીકરી સાથે મુલાકાત કરી પાછી ધનબાદ પરત ફરી હતી. તેમની માતાનું કહેવુ છે કે તે અત્યંત ખુશ હતી. કોનિકાને કોઈ પણ પ્રકારની પરેશાની અથવા ટેન્શન ન હતુ. પરંતુ બે દિવસ બાદ આ સુચના મળી. ત્યારબાદ કોયલાંચલના ધનબાદ સ્થિત તેના ઘર પર શોકનો માહોલ છવાઇ ગયો. પિતાએ કહ્યું કે અમારું બધુ પૂરુ થઇ ગયુ. દીકરી અમારી શાન હતી. પરંતુ દીકરીના શબને પોલીસે કબજામાં લઇ હોસ્પિટલ મોકલી દીધુ છે. પોસ્ટમોર્ટમ રિપોર્ટ આવ્યાં બાદ વાસ્તવિકતાની ખબર પડશે.
કોનિકા કોલકતાની શૂટીંગ એકેડમીમાં ટ્રેનિંગ લેતી હતી
ઉલ્લેખનીય છે કે, કોનિકા પાસે રાઈફલ નહીં હોવાના કારણે કોનિકાએ તેના મિત્રો પાસેથી ઉધાર માગીને ટુર્નામેન્ટ રમવી પડતી હતી. પરંતુ જ્યારે કોનિકા પાસે પોતાની રાઈફલ આવી તો તે અત્યંત ખુશ હતી. તેથી તે કોલકતાની શૂટીંગ એકેડમીમાં ટ્રેનિંગ લઇ રહી હતી.
સોનૂ સૂદે અઢી લાખ રૂપિયાની જર્મન રાઈફલ આપી હતી
બોલીવુડ અભિનેતા જ્યારે કોનિકાની મદદ કરવા માટે આગળ આવ્યાં હતા ત્યારે કોનિકા ચર્ચામાં આવી હતી. ચાલુ વર્ષે જૂન મહિનામાં કોનિકાની પસંદગી આંતરરાષ્ટ્રીય લેવલની શૂટીંગ પ્રતિયોગિતામાં થઇ હતી. પરંતુ રાઈફલના અભાવે તે શૂટીંગમાં ભાગ લઈ શકતી નહોતી. આ જાણકારી જેવી સોનૂ સૂદને મળી તેવી તેમણે કોનિકા માટે અઢી લાખ રૂપિયાની જર્મન રાઈફલ મોકલી હતી.