આર્થિક સુસ્તીની વચ્ચે ઓટોમોબાઇલ સેકટરની પરિસ્થિતિ બધાની સામે છે. ઝારખંડના ઓટો હબ જમશેદપુમાં ઘણા લોકોએ પોતાની નોકરી ગુમાવી પડી છે. એવામાં રાજ્યમાં ચાલી રહેલ વિધાનસભા ચૂંટણીમાં સત્તાધારી ભાજપને પણ આ મુદ્દે નુકસાન ભોગવવું પડે તેવી શક્યતા છે.
ઝારખંડ વિધાનસભામાં ચૂંટણીને લઇને મતદાન
ઓટો મોબાઇલ સેકટરની મંદીની જોવા મળી શકે છે અસર
7મીએ બીજા ચરણનું 20 બેઠક પર મતદાન
આવતી કાલે રાજ્યમાં બીજા ચરણનું 20 બેઠકો પર મતદાન યોજાશે. જેમાં જમશેદપુરની આસપાસની બેઠક પર ઓટો સેકટરની સુસ્તી ભાજપને ચૂંટણીમાં પડકાર આપી શકે છે. ટાટા શહેર તરીકે પ્રસિદ્ધ જમશેદપુરમાં ઓટોના પાર્ટસ બનાવનાર અનેક એકમોમાં ઉત્પાદન ઘટવાથી ઘણા લોકોએ પોતાની નોકરી ગુમાવાનો વારો આવ્યો છે.
માગ ઘટવાના કારણે અકૂશળ શ્રમિક આ આર્થિક સુસ્તીથી સૌથી વધારે પ્રભાવિત થયા છે. ઉદ્યોગ સાથે જોડાયેલા લોકોએ જણાવ્યું કે અંદાજે 800 સહાયક એકમો ટાટા મોટર્સ અને ટાટા સ્ટીલ પર નિર્ભર છે. આ ક્ષેત્રમાં બંને એકમો આર્થિક ગતિવિધિઓમાં મહત્વપૂર્ણ ભૂમિકા નિભાવે છે.
પ્રધાનમંત્રી નરેન્દ્ર મોદી અહીં 2 ડિસેમ્બરના રોજ એક ચૂંટણી સભાને સંબોધન કર્યું હતું. જાણકારોના માનવા મુજબ આર્થિક સુસ્તીની અસર અહીં ચૂંટણી પર પણ પડી શકે છે.