ઝારખંડ ચૂંટણી પરિણામ / ઝારખંડની તાસિર : CM બન્યાં બાદ ચૂંટણી લડનારા નેતાના થાય છે આવા હાલ

• ઝારખંડ રાજ્યનો રાજકીય ઇતિહાસ ઘણો રસપ્રદ છે
• જે પણ સીએમ બને તે બીજીવાર ચૂંટણી હારે છે
• રઘુવર દાસે સૌથી પહેલા 1995માં જમશેદપુર પૂર્વ વિધાનસભા બેઠકથી ચૂંટણી લડી હતી

રસપ્રદ વાત છે કે, ઝારખંડમાં મુખ્યમંત્રીની ખુરશી પર બેસનારા તમામ નેતાઓ એકપછી એક ચૂંટણી હારી ચૂક્યા છે. રાજ્ય બન્યા બાદ અહીં અત્યાર સુધીમાં 3 વિધાનસભા ચૂંટણી થઇ ચૂકી છે. ખાસ વાત છે કે, રાજ્યે અત્યાર સુધીમાં બાબૂલાલ મરાંડી, અર્જુન મુડા, શિબૂ સોરેન, મધુ કોડા, હેમંત સોરેન અને રઘુવર દાસના રુપે કુલ 6 મુખ્યમંત્રી જોવા મળ્યા. ઝારખંડની જનતાએ રાજ્યમાં જે રાજકીય ઇતિહાસ લખ્યો છે તેના મુજબ, જે નેતા મુખ્યમંત્રીની ખુરશી પર બેઠા છે તેને જનતાએ ચૂંટણીમાં નકારી દીધા છે. 

વર્ષ 2014 વિધાનસભા ચૂંટણીના પરિણામો આશ્ચર્યજનક હતા. આ પરિણામો ઝારખંડના પૂર્વ મુખ્યમંત્રીઓ માટે સુનામી સાબિત થયા અને આ ચૂંટણીમાં ચાર પૂર્વ મુખ્યમંત્રીઓને હારનો સામનો કરવો પડ્યો.

રઘુવર દાસ સૌથી પહેલા વર્ષ 1995માં જમશેદપુર પૂર્વ વિધાનસભા બેઠકથી ચૂંટણી લડી હતી અને તેઓ પહેલીવાર વિધાનસભાના સદસ્ય બન્યા હતા. તેઓ આ બેઠક પર ચાર વાર વિધાનસભા ચૂંટણી જીતી ચૂક્યા છે, પરંતુ આ વખતે આ બેઠક પર તેમની પાર્ટીના નેતા સરયૂ રાય તેઓને પડકાર આપી રહ્યા છે. 

વર્ષ 2014માં રાજ્યના મુખ્યમંત્રી બનતા પહેલા રઘુવર દાસ, બાબૂલાલ મરાંડી, અને અર્જુન મુંડા કેબિનેટમાં મંત્રી રહી ચુક્યા છે. વર્ષ 2009માં જ્યારે ભાજપની મદદથી જેએમએમ ચીફ શિબૂ સોરેન મુખ્યમંત્રી બન્યા ત્યારે રઘુવર દાસ રાજ્યના ઉપ મુખ્યમંત્રી હતા. જોકે, પાંચ મહિનામાં જ તેઓએ પદ છોડવુ પડ્યું.