ઝારખંડ ચૂંટણી / બૂથ બહાર હંગામો, કોંગ્રેસ ઉમેદવારે બતાવી બંદૂક, જુઓ VIDEO

• પલામૂમાં બુથ બહાર બીજેપી અને કોંગ્રેસના સમર્થકો વચ્ચે ઘર્ષણ
• કોંગ્રસ ઉમેદવારે બીજેપી ઉમેદવાર પર બૂથ લૂટવાનો આરોપ લગાવ્યો
• કોંગ્રેસ ઉમેદવાર કે એન ત્રિપાઠી બંદૂક લહેરાવતા નજરે પડ્યા

મતદાન સ્થળેથી સામે આવેલી તસવીરોમાં ડાલટનગંજના કોંગ્રેસ ઉમેદવાર કે એન ત્રિપાઠી બંદૂક લહેરાવતા નજરે પડી રહ્યા છે. આ વચ્ચે ચૂંટણી પંચે ઘટનાને ધ્યાને લીધી છે અને જિલ્લા વહીવહીય તંત્ર પાસે આ બાબતે રિપોર્ટ માંગી છે. 

બુથ પર જતા રોક્યા

રિપોર્ટ મુજબ, બીજેપી સમર્થકોએ કેએન ત્રિપાઠીને બુથ પર જતા રોક્યા. જે બાદ બંને પાર્ટીઓના સમર્થકો વચ્ચે ઘર્ષણ શરૂ થયું. જોકે, ત્યા હાજર સુરક્ષા કર્મીઓએ મામલો શાંત પાડવાની કોશિશ કરી, પરંતુ આ વચ્ચે કોંગ્રેસ ઉમેદવાર કેએન ત્રિપાઠીએ પોતાના હાથમાં બંદૂક નીકાળી હતી. 

#WATCH Jharkhand: Congress candidate KN Tripathi brandishes a gun during clash between supporters of BJP candidate Alok Chaurasia & Tripathi's supporters. Tripathi was allegedly stopped by BJP candidate's supporters from going to polling booths, in Kosiyara village of Palamu. pic.twitter.com/Ziu8eCq42z

— ANI (@ANI) November 30, 2019

ઉમેદવારના હાથમાં બંદૂક

એક વીડિયોમાં તેઓ બંદૂકની સાથે બૂથની બહાર દેખાઇ રહ્યા છે. તેમની સાથે સમર્થકો છે. તેઓ પોતાના હાથમાં બંદૂક લઇને કંઇ બોલતા નજરે પડી રહ્યા છે. રિપોર્ટ મુજબ, પોલીસે આ મામલામાં કેએન ત્રિપાઠીને અટકાયતમાં લીધા હતા અને તેમની બંદૂકની તપાસ કરી હતી, જોકે થોડી વાર બાદ તેઓને છોડી મુકવામાં આવ્યા હતા. 

નોંધનીય છે કે, ઝારખંડમાં પ્રથમ ચરણ માટે ચતરા (એસસી), ગુમલા (એસટી), બિશુનપુર (એસટી), લોહરદગા (એસટી), મનિકા (એસટી), લાતેહાર (એસસી), પાંકી, ડાલટનગંજ, વિશ્રામપુર, છતરપુર (એસસી), હુસૈનાબાદ, ગઢવા અને ભવનાથપુર બેઠકો પર મતદાન થયું. પહેલ ચરણમાં કુલ 37,78,963 મતદાતાઓમાં 19,79,991 પુરુષ અને 17,98,966 મહિલા મતદારો સામેલ છે. આ તમામ બેઠકો પર કુલ 189 ઉમેદવાર છે, જેમા 15 મહિલાઓ છે.