સલામ / ગર્ભવતી પત્નીની પરીક્ષા માટે 1200 કિ.મી સ્કૂટી ચલાવી, પરત આવવા માટે ફ્લાઈટની ટિકિટ મળી

• ગર્ભવતી પત્નીની પરીક્ષા માટે 1200 કિ.મી સ્કૂટી ચલાવી
• પરત આવવા માટે કંપનીએ આપી ફ્લાઈટની ટિકિટ 

ઉલ્લેખનીય છે કે, દંપતીનો વીડિયો સોશિયલ મીડિયા પર વાયરલ થયો હતો, ત્યારે એક કોર્પોરેટ કંપનીએ યુગલની વાર્તા મીડિયા સમક્ષ આવ્યા પછી પરત ફરવા માટે તેમને ફ્લાઇટની ટિકિટ આપી છે.આ દંપતિમાં પતિનું નામ ધનંજય છે અને પત્નીનું નામ સોની છે. 

ગ્વાલિયરથી રાંચીની ફ્લાઇટની ટિકિટ ખાનગી કંપનીએ આપી 

ધનંજયે જણાવ્યું હતું કે, અમે ગ્વાલિયરથી રાંચીની ફ્લાઇટની ટિકિટ મળી છે જે 16 સપ્ટેમ્બરની છે. ગ્વાલિયરથી રાંચીની સીધી જ કોઇ ફ્લાઇટ નહીં હોવાથી અમે હૈદરાબાદથી રાંચી પહોંચીશું. ત્યારબાદ રાંચીથી રોડ માર્ગે ગોડ્ડા જઇશું. જેની વ્યવસ્થા ગોડ્ડાના જિલ્લા કલેક્ટરે કરી આપી છે. 

Madhya Pradesh: A couple, who reached Gwalior from Godda in Jharkhand on a scooter to appear in an exam, has been given return air tickets by a corporate group. Dhananjay, the man says, "We never boarded a plane in our lives. We thank them for the support." (06.09.2020) pic.twitter.com/Er8pAUhcnl

— ANI (@ANI) September 6, 2020

DEdની પરીક્ષા આપવા પહોંચ્યા 1300 કિલોમીટર દૂર

તેમણે વધુમાં કહ્યું કે, સ્કૂટીને મોકલવાની પણ વ્યવસ્થા કરવામાં આવી છે. તો ગોડ્ડામાં કેટલાક સ્થાનિકોએ તેમને નોકરી આપવાની પણ વાત કરી હતી. ધનંજયની પત્ની સોનીએ મીડિયા સાથેની વાતચીતમાં જણાવ્યું કે, હું શિક્ષિકા બનવા ઇચ્છું છું. તેના માટે DEdની પરીક્ષા આપવાની છે. મારા પતિ અને પરિવારનો મને ખૂબ જ સપોર્ટ છે. 

ઘરેણાં ગિરવે મુકીને 10 હજારની કરી વ્યવસ્થા 

વધુમાં કહ્યું કે, અત્યારે તેમણે ઘરેણા ગિરવે મુકીને 10 હજાર રૂપિયાની વ્યવસ્થા કરી અને 2 દિવસનો પ્રવાસ ખેડીને ગ્વાલિયર પહોંચ્યા. આ યાત્રા દરમિયાન 5 હજાર રૂપિયાનો ખર્ચ થયો. તેમણે વધુમાં જણાવ્યું હતું કે, રસ્તામાં મુશ્કેલીઓ ખૂબ જ પડી હતી. ખાસ કરીને બિહારમાં કારણ કે વરસાદના પાણી સિવાય કાઇ નહોતું. રસ્તામાં ખાડામાં સ્કૂટર પછડાટ લેતા સોનીને તકલીફ પડી હતી. મુજ્જફરપુર અને લખનઉમાં રાત વિતાવીને તેઓ 30 ઓગસ્ટના રોજ ગ્વાલિયર પહોંચ્યા હતા.