ઝારખંડના ગોડ્ડામાંથી એક અજબ કેસ સામે આવ્યો છે. જ્યાં એક કન્યા પહેલી વખત સાસરે પહોંચી ધરણા પર બેઠી. આ દરમ્યાન સાસરે હાજર રહેલો વરરાજા તક જોઈ ફરાર થયો.
ઝારખંડમાં કન્યા પહેલી વખત સાસરે પહોંચી ધરણા પર બેઠી
ઘરમાં હાજર રહેલો વરરાજા તક જોઈ થયો ફરાર
સાસરિયા પક્ષના લોકોએ કન્યાને ગૃહ પ્રવેશ ન આપ્યો
8 મહિના પહેલા થયા હતા લવ મેરેજ
સાસરિયા પક્ષના લોકોએ કન્યાને ખૂબ સમજાવવાનો પ્રયાસ કર્યો. પરંતુ કન્યા કોઈનાથી સમજી નહીં. આખરે બચાવ માટે પોલીસે આવવુ પડ્યુ. પોલીસ કન્યાને પોતાની સાથે પોલીસ સ્ટેશન લઇ ગઇ. પ્રાપ્ત માહિતી મુજબ, આ મામલો ગોડ્ડાના કન્ભરા ગામનો છે. પોલીસે મહિલાને જણાવ્યું કે તેણે 8 મહિના પહેલાં ગામના હરિ રામ નામના શખ્સ સાથે લવ મેરેજ કર્યા હતા. કન્યાનો આરોપ છે કે લગ્નના 8 મહિના પૂર્ણ થયા બાદ પણ તેનો પતિ તેને પોતાના ઘરે લઇ જતો નહતો. જેના કારણે તે પોતાના ઘરવાળાંના લોકોની સાથે પોતાના સાસરે પહોંચી. પરંતુ સાસરિયા પક્ષના લોકોએ તેને ઘરમાં એન્ટ્રી ન આપી.
ઘરે બોલાવવા પતિ તૈયાર નથી
મહિલાએ જણાવ્યું કે, તેના લગ્ન હિન્દુ પરંપરા અનુસાર મંદિરમાં થયા છે. ત્યારબાદ પણ તેનો પતિ તેને ઘરે લઈ જવા માટે તૈયાર ન હતો. તે મહિલાને એવુ કહી રહ્યો હતો કે તે આ અંગે તેના પરિવારજનોને જણાવશે અને ત્યારબાદ તેને ઘરે લઇને જશે. આવી રીતે લગ્નને 8 મહિના થઇ ગયા. આ અંગે બંને વચ્ચે ઝઘડા થવા લાગ્યા અને એક દિવસ પતિ ઘરમાંથી ફરાર થઇ ગયો.