jharkhand assembly elections results 2019 bjps fifth defeat in one year second government after sonia takes over congress trends are showing clear signs
ઝારખંડ ચૂંટણી પરિણામ /
જ્યારથી કોંગ્રેસમાં આ એક ફેરફાર થયો ત્યારથી મોદી સરકારનો જાદૂ થઈ રહ્યો છે ઓછો
Team VTV02:21 PM, 23 Dec 19
| Updated: 02:25 PM, 23 Dec 19
ઝારખંડ વિધાનસભા ચૂંટણી પરિણામો માટે ગણતરી ચાલુ છે. અત્યાર સુધીના પરિણામો અનુસાર, ઝારખંડ મુક્તિ મોરચા (JMM) અને કોંગ્રેસ ગઠબંધન બહુમતી મેળવતા દેખાઇ રહ્યા છે. જો અંતિમ પરિણામ આ પ્રકારે જ રહ્યા તો ભાજપની સત્તા જઇ શકે છે.
ઝારખંડમાં JMM અને કોંગ્રેસ ગઠબંધન મેળવી શકે છે બહુમતી
એક વર્ષમાં આ પાંચમુ રાજ્ય હશે, જ્યાં ભાજપ સત્તાથી બહાર થઇ હશે
અમિત શાહે કહ્યું હતું કે, ચૂંટણી નહીં જીતી શકીએ
એક વર્ષમાં આ પાંચમુ રાજ્ય હશે, જ્યાં ભાજપ સત્તાથી બહાર થઇ હશે. ત્યારે સોનિયા ગાંધીના કોંગ્રેસ અધ્યક્ષ બન્યા બાદ પાર્ટીની આ બીજા રાજ્યમાં ગઠબંધન સરકાર હશે. ઝારખંડથી પહેલા મહરાષ્ટ્રમાં તમામ પ્રયાસ બાદ પણ ભાજપ સત્તાથી બહાર થઇ છે અને કોંગ્રેસ-શિવસેના-એનસીપી ગઠબંધનની સરકાર બની છે.
મહારાષ્ટ્રથી પહેલા બીજેપીએ મધ્યપ્રદેશ, રાજસ્થાન, છત્તીસગઢ જેવા મહત્વપૂર્ણ રાજ્યોની સત્તા ગુમાવી છે.
નોંધનીય છે કે, અયોધ્યા વિવાદ પર સુપ્રીમ કોર્ટનો નિર્ણય આવ્યા બાદ આ પહેલી વિધાનસભા ચૂંટણી છે. બીજેપી અધ્યક્ષ અમિત શાહે ચૂંટણી પ્રચારમાં સ્પષ્ટ કહ્યું હતું કે, ચાર મહીનામાં અયોધ્યામાં ભવ્ય રામ મંદીર બનશે, પરંતુ લાગે છે કે જનતા પર તેની કોઇ અસર થઇ નથી.
જોકે, બીજેપીની સત્તા ગુમાવવાને લઇને પહેલાથી જ આશંકા હતી. ચૂંટણી સભાઓમાં ઓછી ભીડથી જીતને લઇને પણ પાર્ટી આશ્વસ્ત નહોતી. અમિત શાહે એક ચૂંટણી સભામાં પણ કહ્યું હતું કે, આટલી ભીડથી ચૂંટણી નહીં જીતી શકીએ.