ઝારખંડ વિધાનસભા ચૂંટણીના બીજા ચરણની 20 બેઠકો પર આજે વોટિંગ શરૂ થયું છે. ચૂંટણી આયોગે સ્વતંત્ર, નિષ્પક્ષ અને શાંતિપૂર્ણ મતદાનને માટે પૂરતા સુરક્ષાદળ અને મતદાન કર્મીઓની વ્યવસ્થા કરી છે.
ઝારખંડ વિધાનસભા ચૂંટણીને લઈને બીજા ચરણનું મતદાન શરૂ
બીજા ચરણમાં 16 સીટ ST માટે અને 1 સીટ SC માટે આરક્ષિત
સુરક્ષાને ધ્યાનમાં રાખીને 18 સીટો પર 3 વાગ્યા સુધી થશે વોટિંગ
ઝારખંડ વિધાનસભા ચૂંટણીના બીજા ચરણની 20 બેઠકો પર આજે વોટિંગ શરૂ થયું છે. ચૂંટણી આયોગે સ્વતંત્ર, નિષ્પક્ષ અને શાંતિપૂર્ણ મતદાનને મટે પૂરતા સુરક્ષાદળ અને મતદાન કર્મીઓની વ્યવસ્થા કરી છે.
જાણો કઈ સીટ પર કેટલા વાગ્યા સુધી થશે મતદાન
ચૂંટણી આયોગે જણાવ્યું છે કે જમશેદપુર પૂર્વ અને જમશેદપુર પશ્ચિમની સીટો પર સવારે 7 વાગ્યાથી સાંજે 5 વાગ્યા સુધી અને અન્ય સીટો પર સવારે 7 વાગ્યાથી બપોરે 3 વાગ્યા સુધી વોટિંગ કરવામાં આવશે. 20 સીટમાંથી 16 અનુસુચિત જનજાતિ અને એક સીટ અનુસુચિત જાતિને માટે આરક્ષિત રાખવામાં આવી છે.
આટલી મોટી સંખ્યામાં થશે મતદાન
પોલીસના જણાવ્યા અનુસાર 7 જિલ્લામાં ફેલાયેલી આ સીટોને માટે કેન્દ્રીય દળ સહિત 42000 સુરક્ષા કર્મીઓને તૈનાત કરવામાં આવ્યા છે. 48,25,038 મતદાતા 260 ઉમેદવારોના નસીબનો નિર્ણય ઈવીએમની મદદથી નક્કી કરશે.
આ રહેશે પ્રમુખ ઉમેદવારો
આ ચરણમાં પ્રમુખ ઉમેદવારોમાં રાજ્યના મુખ્યમંત્રી રઘુબર દાસ, ભાજપમાંથી નીકળીને નિર્દલીય ઊભેલા સરયૂ રાય, વિધાનસભા અધ્યક્ષ દિનેશ ઓરાંવ, સરકારમાં મંત્રી નીલકંડ સિંહ મુંડા, પ્રદેશ ભાજપા અધ્યક્ષ લક્ષ્મણ ગિલુઆ, એજેએસયૂ નેતા રામચંદ્ર સાહી, પૂર્વ પ્રદેશ કોંગ્રેસ અધ્યક્ષ પ્રદીપ કુમાર બાલમાચૂ, જદયૂ અધ્યક્ષ સલખાન મુર્મૂ, જેવીએમ-પી બંધુ ટિક્રી સામેલ છે. રાજ્યમાં 5 ચરણમાં વોટિંગ કરવામાં આવશે અને આ દરેકના પરિણામ 23 ડિસેમ્બરે જાહેર કરવામાં આવશે.