આલિયા ભટ્ટની પ્રાઈવસી ડિસ્ટર્બ કરવાના વિવાદને લઈને આખુ બોલિવુડ વિરોધ કરી રહ્યું છે એવામાં જાહ્નવી કપૂરે પણ પોતાની સાથે થયેલી એક ઘટના શેર કરી છે. જાહ્નવીએ પોતાની પ્રાઈવસી ભંગ થઈ હોવાની વાત શેર કરી છે.
જાહ્નવી સાથે પણ બની ચુકી છે આવી ઘટના
એક્ટ્રેસે શેર કર્યો પોતાનો અનુભવ
જીમના ફોટો થયા હતા વાયરલ
આલિયા ભટ્ટના ઘરની અંદર આરામ કરતી વખતના ફોટો લીક થયા છે જેના કારણે આલિયા ગુસ્સે થઈ ગઈ છે અને સોશિયલ મીડિયા પર પોતાનો ગુસ્સો કાઢ્યો છે. ત્યાર બાદ આલિયાના સપોર્ટમાં આખુ બોલિવુડ આવી ગયું છે. સાથે જ બોલિવુડ એક્ટ્રેસ જાહ્નવી કપૂરે પોતાની સાથે બનેલી આવી જ એક ઘટના વિશે વાત કરી છે.
જાહ્નવી સાથે પણ બની છે આવી ઘટના
આલિયા ભટ્ટના સપોર્ટમાં એક્ટ્રેસ જાહ્નવી કપૂર પણ સામે આવી અને તેણે પોતાનો ગુસ્સે વ્યક્ત કર્યો હતો. જાહ્નવીએ પોતાની સાથે બનેલી ઘટનાનો ઉલ્લેખ કરતા લખ્યું, "આ ખૂબ જ ખરાબ હરકત છે. આ લોકોને મેં ઘણી વખત ઈનકાર કર્યો તેમ છતાં તે મારી પરવાનગી વગર મને શૂટ કરે છે. જ્યારે હું જીમની અંદર હતી ત્યારે કાચમાંથી મને જોઈ રહ્યા હતા અને ફોટોઝ ક્લિક કરી રહ્યા હતા. અમુક જગ્યાઓ પ્રાઈવેટ હોવી જોઈએ. કમ સે કમ ત્યાં તો આવી હરકતો ન કરો."
જાહ્નવી આગળ લખે છે, "હું સમજુ છું કે આ તમારા કામનો એક ભાગ છે, પરંતુ તમારે સમજવું જોઈએ કે એક બીજાની સહમતિથી જ વસ્તુઓ બને છે. પબ્લિક ફિગર છે. તમારૂ પણ પોતાનું કામ છે. પણ એમ નહીં કે તમે ક્યાંય પણ શૂટ કરવા લાગો. સહમતી વગર જો તમે કોઈના પ્રાઈવેટ સ્પેસમાં આવીને દખલ કરો છો તો આ ખોટુ છે."
આલિયાના સપોર્ટમાં આવ્યું આખુ બોલિવુડ
આલિયાના ઘરે આરામ કરતા ફોટો વાયરલ થયા બાદ તેનો ગુસ્સો સાતમાં આસમાને પહોંચી ગયો છે. આલિયાએ મુંબઈ પોલીસને ટેગ કરતા એક ઈન્સ્ટાસ્ટોરી શેર કરી હતી. જેમાં પોતાનો ગુસ્સો ઢાલવ્યો હતો.
સાથે જ આલિયાએ પોતાની પોસ્ટમાં મુંબઈ પોલીસને ટેગ પણ કરી હતી. એવામાં તેના સપોર્ટમાં આખુ બોલિવુડ આવી ગયું છે. અનુષ્કા શર્મા, અર્જુન કપૂર, શાહીન ભટ્ટ, નીતુ કપૂર, સ્વરા ભાસ્કર, કરણ જોહર ઉપરાંત ઘણા અન્ય સેલિબ્રિટિઝ આલિયાના સપોર્ટમાં ઉતર્યા છે.
અનુષ્કા શર્મા પણ ભડકી
અનુષ્કા શર્મા અને અર્જુન કપૂર સહિત તમામ સેલેબ્સે આલિયાનો સાથ આપતા તેમની સ્ટોરીને શેર કરી છે. અનુષ્કા શર્માએ લખ્યું, "એવું પહેલી વખત નથી થયું કે આ લોકો આમ કરી રહ્યા છે. લગભગ 2 વર્ષ પહેલા અમે પણ તેમને આજ વાતને લઈને સંભળાવ્યું હતું...."
અર્જુન કપૂરે પણ આપી પ્રતિક્રિયા
અર્જુન કપૂરે તેને શરમજનક ગણાવ્યું છે. તે ઉપરાંત આલિયાની બહેન શાહીને લખ્યું, "શું આજના ટાઈમમાં કોન્ટેન્ટ માટે કોઈ પણના ઘરમાં ઝૂમ લેન્સ દ્વારા ડોકાચીયુ કરવું કુલ વાત થઈ ગઈ છે?"
નીતુ કપૂરે પણ કર્યું સપોર્ટ
આલિયા ભટ્ટની સાસુ અને અભિનેત્રી નીતુ કપૂરે આલિયાની તસવીરો પોસ્ટ કરવા બદલ એક મીડિયા હાઉસની ટીકા કરી હતી, તેમણે લખ્યું "આ બરાબર નથી," નીતુએ આલિયાની પોસ્ટના સપોર્ટમાં લખ્યું, "પ્રાઈવસીનું ઉલ્લંધન" આ સાથે આલિયાની માતા સોની રાઝદાએ પણ તેમની પ્રતિક્રિયા આપી હતી.