પ્રતિમા / સુરતમાં જ્વેલર્સે બનાવી PM મોદીની 3.5 કિલોની ચાંદીની મૂર્તિ, શાહની સોનાની ફ્રેમ

PM મોદી અને અમિત શાહની જોડીની ચર્ચા સમગ્ર દેશમાં થઇ રહી છે. હવે જ્યારે અમિત શાહે મોદી સરકારમાં ગૃહ મંત્રાલયની જવાબદારી સંભાળી લીધી છે. ત્યારે આ જીતની સુરતમાં સૌથી વધુ ઉજવણી થઇ રહી છે.

સુરતમાં જ્વેલર્સે PM મોદીની ચાંદીની મૂર્તિ બનાવી છે. આ PM મોદીની મુર્તિ 3.5 કિલો ગ્રામની છે. આ નરેન્દ્ર મોદીની પ્રતિમા 24 કેરેટ સિલ્વરમાંથી બનાવવામાં આવી છે. 

સાથે અમિત શાહ અને નરેન્દ્ર મોદીની સોનાની ફ્રેમ તૈયારી કરી છે. સરદાર પટેલની પ્રતિમા પર 7 ગ્રામ ગોલ્ડ સાથે પ્રતિમા તૈયાર કરાઈ છે. મહાત્મા ગાંધી અને PM મોદીની ગોલ્ડ ફ્રેમ બનાવાઈ છે. જ્વેલર્સ દ્વારા તૈયારી કરાયેલી મુર્તિ વેચાણ માટે મુકવામાં આવશે.

અત્રે ઉલ્લેખનીય છે કે ધનતેરસ દરમિયાન પણ એક જ્વેલર્સે પીએમ મોદી અને અટલ બિહાર વાજપેયીના સોનાના બિસ્કીટો તૈયાર કર્યા હતા. જે લોકોમાં આકર્ષણનું કેન્દ્ર બન્યા હતા. જોકે મોદીને સુરત, રાજકોટ સહિત અનેક જગ્યાઓ પર સોનામાં કંડારવામાં આવ્યા છે.