ટેલિવૂડ / દયા નહીં આ છે જેઠાલાલની રિયલ લાઇફ પત્નિ, લાઇમ લાઇટથી રહે છે દૂર

• જેઠાલાલની રિયલ લાઇફ પત્નિ વિશે ઓછા લોકો જાણે છે
• દિકરીનું નામ નિયતી જોશી અને દીકરાનું નામ રિત્વિક જોશી 
• પરિવાર સાથે રહેવાનું વધારે પસંદ કરે છે જેઠાલાલ

જેઠાલાલની પર્સનલ લાઇફ વિશે ઘણાં ઓછા લોકો જાણે છે
તારક મેહતા કા ઉલ્ટા ચશ્મા છેલ્લા 12 વર્ષોથી દેશમાં ફેમિલી શો તરીકે સૌથી વધારે જોવાતો શો છે. આ શોની લોકપ્રિયતાનું એક મોટુ કારણ જેઠાલાલ પણ છે. જેઠાલાલનું પાત્ર ભજવી રહેલા દિલીપ જોશીને હવે લોકો જાણતા થયા છે પણ તેમની પર્સનલ લાઇફ અંગે ઘણાં ઓછા લોકો જાણે છે. સિરીયલમાં તો તેમની પત્નિના રોલમાં દયાબેન જોવા મળે છે પણ તેમની રિયલ લાઇફ પત્નિ વિશે કોઈ જાણતું નથી.

રિયલ લાઇફમાં એક દીકરો અને દિકરી ના પિતા છે જેઠાલાલ  
જેઠાલાલની રિલ લાઇફની પત્નિ દયાબેન છે પણ તેમની રિયલ લાઇફ પત્નિનું નામ કંઈક બીજું જ છે. જેઠાલાલને રિયલ લાઇફમાં એક દીકરો અને એક દિકરી પણ છે. દિકરીનું નામ નિયતી જોશી અને દીકરાનું નામ રિત્વિક જોશી છે. જેઠાલાલ રિયલ લાઇફમાં એક પારિવારિક વ્યક્તિ છે અને મોટાભાગનો સમય પરિવાર સાથે પસાર કરવાનું પસંદ કરે છે. તેમનાં લગ્ને 20 વર્ષથી વધારેનો સમય થઈ ગયો છે.

સોશિયલ મીડિયા પર જોઈ શકાય છે પરિવારની તસવીરો
જેઠાલાલની રિયલ લાઇફ પત્નિનું નામ જયમાલા જોશી છે. દિલીપ જોશી ટીવીના પદડા પર મશહુર થનાર એક્ટર્સમાં મોખરે છે. તેમ છતાં તેમની પત્નિ લાઇમલાઇટથી દૂર રહે છે. દિલીપ જોશીનાં સોશિયલ મીડિયા એકાઉન્ટ પર તેમનાં પરિવારની તસવીરો જોઈ શકાય છે.

મૈને પ્યાર કિયાથી કર્યું હતું બોલિવૂડમાં ડેબ્યૂ
દિલીપ જોશીએ બોલિવૂડમાં ફિલ્મ મૈને પ્યાર કિયાથી પર્દાર્પણ કર્યું હતું. જે ફિલ્મમાં તેઓ રામુનાં કેરેક્ટરમાં જોવા મળ્યા હતા. ત્યારબાદ તેઓ ઘણી હિટ ફિલ્મોમાં જોવા મળ્યા હતા ઉપરાંત ઘણી સિરીયલ્સમાં સપોર્ટિંગ રોલ કરતા પણ જોવા મળ્યા હતા. પણ તેમને ટીવી સિરીયલ તારક મેહતા કા ઉલ્ટા ચશ્માથી ફેમ મળ્યું. 

થોડાજ સમયમાં ઇન્સ્ટાગ્રામ પર થયા 10 લાખ ફોલોઅર્સ
દિલીપ જોશીએ થોડા સમય પહેલા જ ઇન્સ્ટાગ્રામ પર એકાઉન્ટ બનાવ્યું હતુ અને તે એકાઉન્ટ પર હાલ 10 લાખથી વધારે ફોલોઅર્સ થઈ ચૂક્યા છે. જેઠાલાલની સિરીયલ તારક મેહતા કા ઉલ્ટા ચશ્મામાં લોકડાઉન બાદ ઘણા ફેરફારો જોવા મળ્યા છે. જેમાં તારક મેહતાની વાઇફ અંજલી અને રોશન સિંહ સોઢીનું કેરેક્ટર ભજવનાર વ્યક્તિ પણ બદલાઈ ગયો છે.