'તારક મહેતા કા ઉલ્ટા ચશ્મા'ના 'જેઠાલાલ' એટલે કે દિલીપ જોશી લોકોના ફેવરિટ છે. જો કે તે હંમેશા હસતા અને હસાવતા જોવા મળે છે, પરંતુ વાસ્તવિક જીવનમાં તે ખૂબ જ ભાવુક છે.
જેઠાલાલ થઇ ગયા ભાવૂક
દીકરીના લગ્નની તસવીરો કરી શૅર
ઇમોશનલ કેપ્શન સાથે દીકરીને આપી વિદાય
તાજેતરમાં જ તેમની પુત્રી નિયતિના લગ્ન થયા છે. દીકરીને પરણાવીને દિલીપ ખૂબ જ ભાવુક થઈ ગયો છે. તેણે લગ્નની કેટલીક ક્ષણો તસવીરો દ્વારા શેર કરી છે.
દિલીપ જોશીએ તસવીરો શેર કરી
દિલીપ જોશીએ પોતાની પુત્રી નિયતિના લગ્નનો ફોટોઝ ઈન્સ્ટાગ્રામ પર શેર કર્યા છે.
નવવિવાહિત યુગલને ખૂબ ખૂબ શુભેચ્છાઓ
આ તસવીરો શેર કરીને દિલીપે તેની નવી પરિણીત પુત્રી અને જમાઈને નવી સફરની શુભકામના પાઠવી છે.
દિલીપ તેની પુત્રીની ખૂબ નજીક છે
દિલીપ જોશીએ ઇન્સ્ટાગ્રામ પર પોસ્ટ કરી હતી જેમાં તેમણે કપલનો ફોટો શેર કર્યો હતો. આ ફોટો સાથે બીજા એક ફોટોમાં કપલ લગ્નની પ્રતિજ્ઞા લેતા નજરે ચડી રહ્યા છે. દિલીપ જોશી અને તેમની ધર્મપત્ની તેઓની દીકરીને દુલ્હન તરીકે જોઈને ભાવુક થઈ ગયા હતા. સાથે જેઠાલાલ એટલે કે દિલીપ જોશી તેમની દીકરીના ગાલ પર હાથ રાખી વ્હાલ કરતાં હોય તેવો ફોટો જોવા મળ્યો હતો.
ઈમોશનલ કેપ્શન લખ્યું
આ સાથે તેમણે એક ઈમોશનલ કેપ્શન લખી હતી જેમાં તેમણે કૃતજ્ઞતા સાથે લખ્યું હતું કે તમે ફિલ્મો અને ગીતો પાસેથી એ લાગણીનો આઇડિયા લગાવી શકો છો પરંતુ આખરે દીકરીના લગ્ન એક અભૂતપૂર્વ ઘટના છે. દિલીપ જોશીએ આ સાથે પરિવારમાં તેમનાં જમાઈને નવા સદસ્ય તરીકે આવકાર્ય હતા અને દીકરા જેવુ સંબોધન કર્યું હતું. તેમણે વર વધુ બંનેને અભિનંદન પાઠવ્યા હતા
ઢોલ પર ઝૂમ્યા જેઠાલાલ
દીકરીના લગ્નની જેઠાલાલને એટલી ખુશી હતી કે સંગીતમાં તેઓ ઢોલ પર મન મૂકીને નાચ્યા હતા. સોશ્યલ મીડિયા પર આ ક્લિપ જોરદાર વાયરલ થઇ રહી છે. નિયતિ અને યશોવર્ધન પણ દાંડિયા રમતાં નજર આવી રહ્યાં છે.
કોણ છે નિયતિનો પતિ
નિયતિ જોષીના લગ્ન જેની સાથે થયા છે તેનું નામ યશોવર્ધન મિશ્રા છે. 4 વર્ષથી નિયતિ અને યશોવર્ધન એકબીજાને ડેટ કરી રહ્યાં હતા અને કોલેજમાં પણ સાથે જ ભણી રહ્યાં હતા. તેમના લગ્ન પહેલા જ થવાના હતા પરંતુ લોકડાઉનના કારણે તેમના લગ્ન થઇ શક્યા નહોતા પરંતુ હવે આખરે ધામધૂમથી તેઓના લગ્ન થયા હતા.