ટીવીનો સૌથી ફેમસ શો તારક મહેતા કા ઉલ્ટા ચશ્માએ હાલમાં જ 3000 એપિસોડ પૂર્ણ કર્યા છે. આ શો ટીવી પર સૌથી લાંબો ચાલનાર શો છે. દર્શકો આ શોને એટલો પસંદ કરે છે કે ટીઆરપીની લિસ્ટમાં પણ આ શો પોતાની જગ્યા બનાવી લે છે.
શોમાં સૌથી વધુ ફેમસ અને લોકપ્રિય પાત્ર છે જેઠાલાલ. જેઠાલાલનું પાત્ર દિલીપ જોષી ભજવી રહ્યાં છે. દિલીપે હાલમાં જ ઇન્સ્ટાગ્રામ જોઇન કર્યુ છે અને તે હવે ફેન્સને એન્ટરટેઇન કરવા વીડિયો પોસ્ટ કરતા રહેતા હોય છે. હાલમાં જ દીલિપે એક વીડિયો શૅર કર્યો છે તેને જોઇને લોકો ખુબ ખુશ થઇ ગયા છે અને શૅર કરી રહ્યાં છે.
દિલીપ જોશી ઉર્ફે જેઠાલાલ દ્વારા શૅર કરવામાં આવેલા આ વીડિયોમાં જોઇ શકાય છે કે તે રૂમમાં જતાની સાથે જ સેનિટાઇઝર યુઝ કરવા જાય છે અને તે ડસ્ટબિનનું ઢાંકણુ ખોલી દે છે પછી તેને ભાન થાય છે કે આ તો ડસ્ટબિન છે. આ વીડિયો ફેન્સને ખુબ જ પસંદ આવી રહ્યો છે.
દિલીપ જોશીએ કેપ્શનમાં લખ્યું કે, સાઇડ ઇફેક્ટ ઓફ ન્યુ નોર્મલ. મહત્વનું છે કે દિલીપ જોશીએ ઘણા ગુજરાતી નાટકમાં કામ કર્યુ છે. તે શુભ મંગલ સાવધાનમાં પોતાના અભિનય માટે જાણીતા છે. હમ આપકે હૈ કોન જેવી ફિલ્મોમાં પણ દિલીપે કામ કર્યુ છે.