હવાઈ મુસાફરી કરવાવાળા યાત્રિકો માટે મોટી ખબર ઓઈલ માર્કેટિંગ કંપનીઓએ જેટ ફ્યુલની કિંમતોમાં 5 ટકાનો પ્રતિ લિટરનો વધારો કરવામાં આવ્યો છે.
IOCએ જેટફ્યુલની કિંમતોમાં 6188 રૂપિયા પ્રતિ કિલોલીટરનો વધારો કર્યો
સૌથી વધુ ચેન્નાઈમાં 1.27,286.13 રૂપિયા પ્રતિ કિલોલિટર થયો
આ વર્ષે જેટ ફ્યુલની કિંમતોમાં 61.7 ટકાનો વધારો થઈ ચુક્યો છે.
હવે પ્લેન મારફતે હવાઈ મુસાફરી કરવાવાળા યાત્રિકો માટે મોટી ખબર સામે આવી છે. જેટ ફ્યુલની કિંમતોમાં ફરી એક વાર વધારો કરવામાં આવ્યો છે. ઓઈલ માર્કેટિંગ કંપનીઓએ જેટ ફ્યુલની કિંમતોમાં 5 ટકાનો પ્રતિ લિટરનો વધારો કરવામાં આવ્યો છે.
IOCએ જેટફ્યુલની કિંમતોમાં 6188 રૂપિયા પ્રતિ કિલોલીટરનો વધારો કર્યો
દેશની સૌથી મોટી તેલ કંપની ઈન્ડિયન ઓઈલ કોર્પોરેશને 16મી મે 2022 એટલે સોમવારે જેટફ્યુલની કિંમતોમાં 6188 રૂપિયા પ્રતિ કિલોલીટરનો વધારો કર્યો છે. મહત્વનું છે કે, એટીએફની કિંમતોમાં સતત 10 વખત વધારો નોધાયો છે. નવા દરો 31મી મે 2022 સુધી લાગુ રહેશે. તમને જણાવી દઈએ કે, તેલ કંપનીઓ સોમવારે પેટ્રોલ અને ડીઝલની કિંમતોમાં કોઈ બદલાવ નથી કર્યો છે. તેલની કિંમતો સ્થિર છે
સૌથી વધુ ચેન્નાઈમાં 1.27,286.13 રૂપિયા પ્રતિ કિલોલિટર થયો
16મી મે 2022 દિલ્હીમાં એર ટરબાઈન ફ્યુલનો ભાવ 1,16,852 રૂપિયા પ્રતિ કિલોલિટરથી વધીને 1,23,039.71 રૂપિયા પ્રતિ કિલોલિટર થઈ ગયો છે. કોકત્તામાં આ ભાવ 1,27,854.60 રૂપિયા , મુંબઈમાં 1,21,847.11 રૂપિયા અને ચેન્નાઈમાં 1.27,286.13 રૂપિયા પ્રતિ કિલોલિટર થઈ ગયો છે.
ફ્લાઈટની ટિકિટના ભાવ વધી શકે છે.
જેટ ફ્યુલના ભાવમાં વધારાથી હવાઈ સફર મોંઘું થઈ શકે છે. કોઈ પણ એરલાઈનની પરિચાલન ખર્ચમાં વિમાનનું ઈંધણ લગભગ 40 ટકાની ભાગીદારી હોય છે. આંતરરાષ્ટ્રીય સ્તર પર ક્રુડ ઓઈલના ઉંચા ભાવોના કારણે આ વર્ષે ATFએ સતત 10 વખત ભાવ વધારો કર્યો છે.
આ વર્ષે આટલું મોંઘુ થયું જેટ ફ્યુલ
આ વર્ષે જેટ ફ્યુલની કિંમતોમાં 61.7 ટકાનો વધારો થઈ ચુક્યો છે. 1લી જાન્યુઆરી 2022થી એટીએફના ભાવ 46,938 રૂપિયા પ્રતિ કિલોલિટર વધ્યો હતો.1 લી જાન્યુઆરીથી જેટ ફ્યુલના ભાવમાં 76,062 રૂપિયા પ્રતિ કિલોલિટરથી વધીને 1.23લાખ પ્રતિ કિલોલિટરે પહોંચી જવા પામ્યું છે. તમને જણાવી દઈએ કે, જેટ ફ્યુલના ભાવમાં એક મહિનામાં બે વખત વધ્યાં છે. મહિનાની 1 લી તારીખે અને 16મી તારીખે હવાઈ જહાજના ફ્યુલની કિંમતોમાં બદાલાવ થાય છે.