જામનગર હાઇવે પર થયેલ ફાયરિંગ મામલે તપાસ કરાઇ તેજ

જામનગર: રાજકોટના જામનગર હાઇવે પર ઘંટેશ્વર નજીક થયેલા ફાયરિંગ મામલે તપાસ તેજ કરાઇ છે.જામનગરના નામચીન શખ્સ ઈકબાલ ઉર્ફે બાઠીયા પર ફાયરિંગ થયુ હતું.રાજકોટ જેલમાંથી છૂટીને ઈકબાલ જામનગર જઈ રહ્યો હતો.ત્યારે જૂની અદાવતનો ખાર રાખી રજાક સોપારી તેમ જ તેના સાથીઓ દ્વારા ફાયરિંગ કર્યુ હતું.

ભાણેજ પર થયેલા હુમલાનો બદલો વાળવા મામાએ ફાયરિંગ કર્યુ હતું.આ ફાયરિંગમાં ફરિયાદી ઇકબાલ કારમાં હોવાથી તેને ઇજા નહોતી થઇ.ઘટનાને લઇને રાજકોટ શહેર પોલીસ ક્રાઇમબ્રાંચ સહીતનો કાફલો ઘટનાસ્થળે દોડી આવ્યો હતો.હાલ સમગ્ર મામલે પોલીસે ગુનો નોંધી આરોપીઓને શોધવા તપાસ તેજ કરી છે.