Women T20 WC / પાકિસ્તાન સામે ભારતની ભવ્ય જીતમાં કોહલીની 'વિરાટ' ભૂમિકા, જેમિમાએ કહી દીધી આ મોટી વાત

• મહિલા ટી20 વર્લ્ડ કપ 2023ની પહેલી મેચમાં ભારતની જીત
• ભારતે પાકિસ્તાનને 7 વિકેટથી હરાવ્યું
• જેમિમાએ આ જીતમાં વિરાટ કોહલીનો ખાસ ઉલ્લેખ કર્યો

ભારત-પાકિસ્તાનની મેચમાં ભારતનો થયો વિજય

મહિલા ટી20 વર્લ્ડ કપમાં 12 ફેબ્રુઆરીએ ભારત-પાકિસ્તાન વચ્ચે ટક્કર જોવા મળી. છેલ્લે અહીં ભારતીય ટીમે બાજી મારી. પાકિસ્તાને ભારતને જીત માટે 150 રનનો લક્ષ્યાંક આપ્યો હતો, જેને ભારતીય ટીમે 19મી ઓવરના છેલ્લા બોલમાં પ્રાપ્ત કર્યો હતો. આ મેચની નાયક જેમિમા રોડ્રિગેજ  રહી. જેણે 38 બોલમાં 53 રનની અણનમ ઈનિંગ રમીને ભારતને જીત અપાવી. અહીં પ્લેયર ઑફ ધ મેચ પસંદ થયા બાદ જેમિમાએ આ જીતમાં વિરાટ કોહલીનો ખાસ ઉલ્લેખ કર્યો. 

જેમિમાએ વિરાટ કોહલીના કર્યા વખાણ 

જેમિમાએ મેચ બાદ કહ્યું, ભારત અને પાકિસ્તાન વચ્ચેની મેચ હંમેશા ખૂબ ખાસ હોય છે. બાળપણથી લઇને મોટા થાય ત્યાં સુધી આપણે આ મેચને જોતા આવી રહ્યાં છીએ. હાલમાં આવી જ એક મેચમાં મેલબર્ન ક્રિકેટ ગ્રાઉન્ડ પર વિરાટ કોહલીએ પાકિસ્તાન સામે આક્રમક ઈનિંગ રમી હતી. અમે વિરાટ કોહલીની આ ઈનિંગ અને ભારતની આ જીત પર વાતચીત કરતા હતા. અમે ઈચ્છતા હતા કે અમે પણ આવી ક્રિકેટ રમીએ અને આ ઈન્ટેસિટી સાથે મેચ જીતીએ. 

Jemimah Rodrigues is the @aramco Player of the Match for her special fifty against Pakistan 😍#INDvPAK | #T20WorldCup | #TurnItUp pic.twitter.com/2jiYGb4HaH

— T20 World Cup (@T20WorldCup) February 12, 2023

ટી20 વર્લ્ડ કપ 2022માં વિરાટે રમી હતી દમદાર ઈનિંગ 

વિરાટ કોહલીએ ગયા વર્ષે યોજાયેલ ટી20 વર્લ્ડ કપમાં પાકિસ્તાન સામે 53 બોલમાં 82 રનની અણનમ ઈનિંગ ફટકારીને ભારતીય ટીમને દિલધડક વિજય અપાવ્યો હતો. વિરાટે અત્યંત મુશ્કેલ પરીસ્થિતિમાંથી ભારતીય ટીમને બહાર લાવીને જીત અપાવી હતી. આ મેચમાં અંતમાં જરૂરી રનરેટ વધી ગઇ હતી. પરંતુ વિરાટે બેક ટૂ બેક છગ્ગા ફટકારીને પાકિસ્તાનના મોંઢામાંથી જીતનો કોળીયો છીનવ્યો હતો.