અહો આશ્ચર્યમ્ / વિશ્વના સૌથી ધનિક વ્યક્તિની સંપત્તિમાં લોક ડાઉન ગાળામાં પણ વધારો! હાલ જ લીધું કરોડોનું આલીશાન મકાન

વિશ્વના સૌથી ધનિક વ્યક્તિ અને એમેઝોનના સ્થાપક જેફ બેઝોસે બીજું નવું મકાન ખરીદ્યું છે. ન્યુ યોર્કમાં આ 3,000 ચોરસ ફૂટના એપાર્ટમેન્ટ માટે જેફ બેઝોસે કુલ 16 મિલિયન ડોલર એટલે કે 122.48 કરોડ રૂપિયા એકઠા કર્યા છે. ગયા વર્ષે તેણે આ જ સ્થળ પાસે 80 મિલિયન ડોલરનું ઘર ખરીદ્યું હતું.

નવા એપાર્ટમેન્ટમાં 3 બેડરૂમ અને 3 બાથરૂમ છે. આ એપાર્ટમેન્ટ તેમના અગાઉના એપાર્ટમેન્ટની બરાબર નીચે જ છે. CNAએ પોતાના એક અહેવાલમાં આ માહિતી આપી છે.ગયા વર્ષે, બેઝોસે એક પેન્ટહાઉસ અને 2 એપાર્ટમેન્ટ્સ ખરીદ્યા હતા. આ એપાર્ટમેન્ટ્સ 1912ના એક નિયો-ગોથિક બિલ્ડિંગમાં છે જેનું થોડા વર્ષો પહેલા રિનોવેશન કરવામાં આવ્યું હતું. આ બિલ્ડિંગમાંથી મેડિસન સ્ક્વેર પાર્ક દેખાય છે.

43% પ્રીમિયમના દરે ઘર ખરીદ્યું

આ નવા એપાર્ટમેન્ટની કિંમત છેલ્લી વખતની તુલનામાં 43 ટકાના પ્રીમિયમ દરે ખરીદવામાં આવી છે. આ એપાર્ટમેન્ટને છેલ્લે 2018માં 11.25 મિલિયન ડોલરમાં ખરીદવામાં આવ્યું હતું. બેઝોસે આ મકાન ડેલવેર-રજીસ્ટર લિમિટેડ લાયેબિલિટી કંપની દ્વારા ખરીદ્યું છે.

આ ઘરની વિશેષતા શું છે

બેઝોસના આ નવા મકાનમાં વિશેષતા છે કે તેમાં ઓવર સાઇઝડ વિન્ડોઝ લગાવેલા છે, છતની ઊંચાઈ વધારે છે, આરસની દિવાલો છે અને થસ્સોસ સ્ટોન ફ્લોર્સ છે. મેનસન ગ્લોબલે પોતાના એક અહેવાલમાં આ ઘરની વિશેષતા વિશે માહિતી આપી છે.

જેફ બેઝોસ સંપત્તિમાં લોકડાઉનમાં 24 અબજ ડોલરનો વધારો થયો

નોંધપાત્ર વાત એ છે કે કોરોના વાયરસને કારણે લોકડાઉન થયા પછી જેફ બેઝોસની સંપત્તિમાં અત્યાર સુધીમાં 24 અબજ ડોલરનો વધારો થયો છે. બેઝોસ 138.9 અબજ ડોલરની સંપત્તિ સાથે વિશ્વના સૌથી ધનિક વ્યક્તિ છે. ફોર્બ્સ બિલિયોનર યાદી મુજબ, માઇક્રોસોફ્ટના સહ-સ્થાપક બિલ ગેટ્સ 98 અબજ ડોલરની સંપત્તિ સાથે વિશ્વના બીજા સૌથી ધનિક વ્યક્તિ છે.