સલમાન ખાનની આવનાર ફિલ્મ ની લોકો આતુરતાથી રાહ જોઈ રહ્યા છે. આ બધા વચ્ચે સલમાન ખાનની ફિલ્મનું લેટેસ્ટ રોમેન્ટિક સોન્ગ Jee Rahe The Hum રિલીઝ કરવામાં આવ્યું છે.
ફીલ્મ કિસી કા ભાઈ કિસી કી જાનનું ગીત થયું રિલીઝ
Jee Rahe The Hum સલમાન ખાને પોતે ગાયું છે
ફિલ્મ ઈદ પર રિલીઝ થશે
બોલિવૂડ એક્ટર સલમાન ખાને 30 વર્ષથી ઈન્ડસ્ટ્રી પર વર્ચસ્વ જમાવ્યું છે. હવે તે વધુ એક નવી બ્લોકબસ્ટર આપવાની તૈયારી કરી રહ્યો છે. સલમાન ખાનની ફિલ્મ કિસી કા ભાઈ કિસી કી જાન ઈદના ખાસ અવસર પર રિલીઝ થવા જઈ રહી છે અને સલમાન ખાનની આવનાર ફિલ્મ ની લોકો આતુરતાથી રાહ જોઈ રહ્યા છે. આ બધા વચ્ચે સલમાન ખાનની અપકમિંગ ફિલ્મનું લેટેસ્ટ રોમેન્ટિક સોન્ગ Jee Rahe The Hum રિલીઝ કરવામાં આવ્યું છે.
આ ગીતની ખાસ વાત એ છે કે સલમાન ખાને પોતે આ ગીત ગાયું છે.
લગભગ આઠ વર્ષ પહેલાં સલમાન ખાને 'મૈં હું હીરો તેરા' સાથે તેની શાનદાર ગાયકીનું પ્રદર્શન કર્યું હતું અને બ્લોકબસ્ટર ગીત આપ્યા પછી, હવે સલમાન ખાન અમલ મલિક સાથે એક નવા ગીત સાથે પાછો ફર્યો છે.
ઈદ પર રિલીઝ થશે ફિલ્મ
સલમા ખાન દ્વારા નિર્મિત કિસી કા ભાઈ કિસી કી જાનનું નિર્દેશન ફરહાદ સામજી દ્વારા કરવામાં આવ્યું છે. આ ફિલ્મમાં સલમાન ખાન, વેંકટેશ દગ્ગુબાતી, પૂજા હેગડે, જગપતિ બાબુ, ભૂમિકા ચાવલા, વિજેન્દર સિંહ, અભિમન્યુ સિંહ, રાઘવ જુયલ, સિદ્ધાર્થ નિગમ, જસ્સી ગિલ, શહેનાઝ ગિલ, પલક તિવારી અને વિનાલી ભટનાગર છે. સલમાન ખાનની ફિલ્મમાં એક્શન, કોમેડી, ડ્રામા અને રોમાન્સ ભરપૂર જોવા મળશે અને આ ફિલ્મ 2023ની ઈદ પર રિલીઝ થવાની છે