JEE 2020નું રિઝલ્ટ આવી ગયુ છે. આ પરિક્ષામાં કુલ 1,50,838 વિદ્યાર્થીઓ બેઠા હતા જેમાંથી પેપર 1 અને 2માં કુલ 43204 વિદ્યાર્થીઓ પાસ થયા છે. તેમાંથી 6707 છોકરીઓ છે.
JEE એડવાન્સના રિઝલ્ટ થયા જાહેર
મુંબઇના ચિરાગે કર્યુ ટોપ
27 સપ્ટેમ્બરે લેવામાં આવી હતી પરિક્ષા
IIT મુંબઇ ઝોનના ચિરાગ ફાલોરે 2020ની કોમન રેન્ક લિસ્ટમાં ટોપ કર્યું છે. તેણે 396માંથી 352 માર્ક્સ મેળવ્યા છે. તો બીજી તરફ IIT રુડકી ઝોનની કનિશ્કા મિત્તલ CRL17 સાથે મહિલા ટોપર બની છે. તેણે 396માંથી 315 માર્ક્સ મેળવ્યા છે.
આ વર્ષે રિઝલ્ટ તૈયાર કરતી વખતે 12મા ધોરણના માર્ક્સ પર વિચાર કરવામાં આવ્યો નથી. નવા નિયમ અનુસાર આ નિર્ણય લેવામાં આવ્યો છે. આ પહેલા JEE એડવાન્સમાં ભાગ લેવા માટે 12મા ધોરણની પરિક્ષામાં વિદ્યાર્થીઓ 75 ટકા લાવવા જરૂરી હતી. આ વર્ષે કોરોનાને લીધે કેટલાક બોર્ડે વિશેષ યોજનાના આધાર પર રિઝલ્ટ આપ્યા છે.
મેરિટના આધાર પર પરિણામના એક દિવસ પર 6 ઓક્ટોબરથી કાઉન્સેલિંગ આયોજીત કરવામાં આવશે. તમને જણાવી દઇએ કે આ પરિક્ષા 27 સપ્ટેમ્બરે લેવામાં આવી હતી.