મોંઘવારી / ખિસ્સા ગરમ રાખજો, પેટ્રોલ-ડીઝલ બાદ હવે કપડાં પણ થઈ શકે છે મોંઘા, જાણો કારણ

• પેટ્રોલ-ડીઝલ બાદ હવે કપડાંનો વારો
• મોંઘા થઈ શકે છે કપડાં
• કપાસના ભાવમાં વધારો 

કપાસની કિંમતોમાં વધારો થઈ રહ્યો છે. રૂના ભાવનમાં આ વધારો પાછલા ઘણા વર્ષોથી ચાલી રહ્યો છે. હવે આ તેજીની અસર જોવા મળી રહી છે. Garment manufacturersએ લાંબા સમય સુધી કપાસના વધતા ભાવની મુશ્કેલીઓનો સામનો કર્યા પછી હવે પોતાના પ્રોડક્ટ્સનો ભાવ વધારવાનો નિર્ણય કર્યો છે. ગાર્મેન્ટ્સ મેન્યુફેક્ચરર્સના આ નિર્ણય બાદ ભારતમાં રેડિમેટ કપડા મોંઘા થવા લાગ્યા છે. ઈન્ડિયન ટેરેન અને રેમેન્ડ યુકો ડેનિમ જેવા બ્રાન્ડ વધુ મોંઘા થઈ જશે. ઘણા ઈનરવેર બ્રાન્ડ પહેલા જ કિંમતોમાં વધારો કરી ચુક્યા છે. 

ઈનરવેર બનાવનાર મુખ્ય બ્રાન્ડ Enamorના સીઈઓ શેખર તિવારીએ જણાવ્યું કે કપાસ અને દેરાની વધતી કિંમતોને જોતા કંપનીએ ઈનરવેરના ભાવમાં વધારો કર્યો છે. ગાર્મેન્ટ્સ મેન્યુફેક્ચરર્સ પહેલા જ કોવિડ મહામારીના કારણે માંગમાં ઘટાડાનો સામનો કરી રહ્યા છે. એવામાં કપાસની કિંમતોમાં વધારો તેમના વ્યાપારને હચમચાવીને મુકી દેશે. પરંતુ હવે ફેસ્ટિવ સીઝન વખતે કપડાની માંગમાં સુધારો જોવા મળી રહ્યો છે. 

ગાર્મેન્ટ્સ મેન્યુફેક્ચરર્સનું કહેવું છે કે હવે નુકસાને સહન કરવાની સ્થિતિમાં તે નથી. રેડિમેટ કપડાંની કિંમતો વધવી જ તેમનું એક માત્ર સમાધાન છે.  

ઈન્ડિયન ટેરેનના મેનેજિંગ ડાયરેક્ટર વિધુત રાજગોયાલે કહ્યું છે કે અત્યાર સુધી અમે પોતાના સ્તર પર જ કોટન અને યાર્ન ખરીદીને કિંમતો પર કાબુ મેળવવામાં સફળ રહ્યા છે અને આવનાર ત્રણ-ચાર મહિના માટે અમારો સ્ટોક તૈયાર થઈ ચુક્યો છે. તેમણે કહ્યું કે હવે જો આવનાર છ મહિનામાં કિંમતો ઓછી ન થઈ તો તે તેમના માટે અસહનીય સ્થિતિ રહેશે અને તે કિંમતોમાં વધારા પર વિચાર કરી શકે છે.