જયેશ રાદડિયાએ RDC બેંકના ચેરમેન પદે ચાર્જ સંભાળ્યો

રાજકોટમાં ડિસ્ટ્રીક્ટ બેંકની કારોબારી બેઠક યોજાઈ હતી. આ બેઠકમાં RDC બેંકના નવા ચેરમેનના નામની જાહેરાત કરવામાં આવી છે. ત્યારે હવે જયેશ રાદડિયાને RDC બેંકના ચેરમેનનો પર સોંપવામાં આવ્યુ છે.

મહત્વનુ છે કે રાજકોટ જિલ્લા બેંકના ચેરમેન તરીકે વિઠ્ઠલ રાદડિયાએ ખેડૂત ઉપયોગી અનેક કામો કર્યા છે. છેલ્લા કેટલાક દિવસોથી રાદડિયાની તબિયત નરમ હોવાથી ડોક્ટરોની દેખરેખ હેઠળ છે. એક સમયે તેમની હાલત ગંભીર હોવાનું ડોક્ટરોએ જણાવ્યું હતું. છેલ્લા કેટલાય સમયથી તબિયત નાદુરસ્ત હતી. જેના કારણે બેંકના વહીવટી કામકાજમાં ધ્યાન આપી શકતા નહતા. 

પરિણામે RDC બેંકના ચેરમેન પદથી રાજીનામુ આપ્યું. જે બોર્ડ બેઠકમાં મંજૂર કરી દેવામાં આવ્યું હતું ત્યારબાદ બેંકમાં ચેરમેન તરીકે ફરીવાર ચૂંટણી યોજાઇ હતી જેમાં ચૂંટણી અધિકારી તરીકે ડેપ્યુટી ડીડીઓ ધર્મેશ મકવાણાની દેખરેખ હેઠળ ચૂંટણી યોજાઇ હતી જેમાં જયેશ રાદડિયા નવા બેંક ચેરમેન તરીકે નિમણૂક પામ્યા હતા.