બોટાદમાં કેમિકલ કાંડ મામલે ક્રાઇમબ્રાંચ અને ગુજરાત એટીએસ દ્વારા 8 વોન્ટેડ બુટલેગરોની શોધખોળ શરૂ
બોટાદ કેમિકલકાંડનો મામલો
કેમિકલ ચોરીના સીસીટીવી આવ્યા સામે
8 વોન્ટેડ બુટલેગરોની શોધખોળ શરૂ
બોટાદ લઠ્ઠાકાંડ મામલે મૃતકોના આંકડા વધી રહ્યા છે. હવે મૃતકઆંક 34 પર પહોંચ્યો છે. આ મામલે ક્રાઇમબ્રાંચ દ્વારા એક બાદ એક આરોપીઓ પર સકંજો કસવામાં આવી રહ્યો છે. તો બીજી તરફ આ મામલે તપાસ કરતા નવા નવા ઘટસ્ફોટ થઇ રહ્યા છે.. કેમિકલકાંડમાં મોતનો સામાન 40 હજારમાં વેચાયો હોવાનું સામે આવ્યું છે. આ મામલે અમદાવાદ શહેર ક્રાઈમ બ્રાંચે વધુ 5 આરોપીની અટકાયત કરી છે.આ આરોપીઓ જયેશ ઊર્ફે રાજની સાથે ષડયંત્રમાં સામેલ હતા. જયેશે નભોઈના સંજયને 3 દિવસ પહેલા તું કેમિકલ આપ્યું હતું. 1500 રૂપિયા ભાડારૂપે જયેશે લીધા હતા. કેમિકલકાંડમાં જયેશ અને બંટી મુખ્ય આરોપી છે આ તમામ આરોપીને બરવાળા લઈ જવામાં આવ્યા છે.
કેમિકલ ચોરીને બુટલેગરોને કરતા હતા સપ્લાય
બોટાદમાં કથિત લઠ્ઠાકાંડનો મામલે હવે એક નવી વાત સામે આવી છે. જે કેમિકલવાળું પાણી(દારૂ) પીવાથી લોકોના મોત થયા તે કેમિકલ ચોરીના CCTV સામે આવ્યા છે. વિગતો મુજબ પોલીસે આરોપી જયેશ ખાવડિયાને ઝડપી પાડ્યો છે. જે બાદમાં હવે તપાસ દરમ્યાન કેમિકલ ચોરીના CCTV સામે આવ્યા છે. જેમાં આરોપી જયેશ તેના મિત્ર ગોપાલ ભરવાડની રિક્ષા લઈને કેમિકલની ચોરી કરતો હોવાનું સામે આવ્યું છે.
ચોરીનું કેમિકલ ભરેલી રીક્ષા CCTVમાં કેદ
બોટાદમાં કથિત લઠ્ઠાકાંડમાં હવે કેમિકલ ચોરીના CCTV સામે આવ્યા છે. ચોરીનું કેમિકલ ભરેલી રીક્ષા CCTVમાં કેદ થઈ છે. જેમાં આરોપી જયેશ ખાવડિયાએ કેમિકલ ચોરી કર્યું હોવાનું ખૂલ્યું છે. વિગતો મુજબ જયેશે મિત્ર ગોપાલ ભરવાડની રીક્ષા લઇને કેમિકલની ચોરી કરી હતી. આ સાથે કેમિકલ ચોરી બાદ બોલેરો ગાડીમાં મુકીને નભોઇ ચોકડી મોકલ્યું હતું. આ તરફ નારોલથી કેમિકલ લઇ જતા રસ્તામાં પેટ્રોલપંપ પર CCTVમાં સમગ્ર ઘટના કેદ થઈ છે.
8 વૉન્ટેડ બુટલેગરોની શોધખોળ
આ તરફ ગુજરાત એટીએસ અને ક્રાઇમ બ્રાંચની ટીમ ફરાર બુટલેગરની શોધખોળમાં લાગી ગઇ છે. 8 વૉન્ટેડ બુટલેગરોને શોધવા માટે તપાસના ચક્રોગતિમાન કર્યા છે. ATS અને ક્રાઈમ બ્રાન્ચની વિવિધ ટીમોએ બુટલેગરના નિવાસ સ્થાને પણ તપાસ કરી છે. મહત્વનું છે કે બુટલેગરે ઝેરી કેમિકલમાં પાણી નાખીને વેચાણ કર્યુ હતું. જેમાં અત્યાર સુધી 31 લોકોના મોત નીપજ્યા છે.