બોલીવુડ / મને એવી પત્ની નથી જોઈતી જે...: લગ્ન માટે બચ્ચને રાખી હતી આવી શરત, 49 વર્ષ બાદ થયો ખુલાસો

• જયા બચ્ચને અમિતાભ બચ્ચન અંગે એક મોટો ખુલાસો કર્યો
• લગ્ન પહેલા અમિતાભ બચ્ચને રાખી હતી આ મોટી શરત
• 49 વર્ષ બાદ જયા બચ્ચને ખોલ્યું રાજ 

જયાએ ખોલ્યું અમિતાભ વિશે મોટુ રહસ્ય 

જયા બચ્ચને જણાવ્યું કે અમિતાભે તેમની સાથે લગ્ન કરતા પહેલા કહ્યું હતુ કે તેમને એવી પત્ની જોઈએ જે 9-5 દરમ્યાન કામ કરતી હોય. પોતાની પૌત્રી નવ્યા નવેલી નંદાના પૉડકાસ્ટ What The Hell Navyaમાં જયા બચ્ચને એવુ પણ જણાવ્યું કે તેમના પિતા ઈચ્છતા નહોતા કે તેઓ લગ્ન કરે. 

અમિતાભ બચ્ચને જયાને કેવીરીતે પ્રપોઝ કર્યુ હતુ? 

પૌત્રીએ જયા બચ્ચનને પૂછ્યુ કે અમિતાભ બચ્ચને તેમને કેવીરીતે પ્રપોઝ કર્યુ હતુ? જેના પર જયાએ જણાવ્યું, હું કોલકત્તામાં શૂટીંગ કરી રહી હતી ત્યારે અમે નિર્ણય કર્યો કે જો અમારી કોઈ ફિલ્મ હિટ જશે તો અમે હોલીડે પર જઇશુ. ત્યારબાદ જંજીર હિટ થઇ ગઇ હતી. હું કોલકત્તામાં શૂટીંગ કરી રહી હતી ત્યારે તમારા નાનાએ ફોન કર્યો અને કહ્યું એક સમસ્યા છે. 

અમિતાભ બચ્ચને જયાને શું પૂછ્યુ હતુ?

જયા બચ્ચને જણાવ્યું કે અમિતાભે તેમને કહ્યું, મારા માતા-પિતા કહી રહ્યાં છે કે તમે જયાની સાથે રજા પર જઇ શકતા નથી. જો તમે જયાની સાથે રજા પર જવા માંગો છો તો તમે તેની સાથે લગ્ન કરો. અમિતાભે મને પૂછ્યુ, તમે શુ વિચારો છો? મેં કહ્યું, અમે ઓક્ટોબરમાં લગ્ન કરવાનુ પ્લાનિંગ કરી રહ્યાં છે, તો હવે અમે જૂનમાં જ કરી લઇશુ, પૂર્ણ. આ રીતે રજા પર જવા માટે જયા બચ્ચન અને અમિતાભ બચ્ચને પોતાના લગ્નની નક્કી કરેલી તારીખ પહેલા જ સાત ફેરા લઇ લીધા.