વિવાદ / મોટા કેસમાં ફસાયો બોલિવૂડનો બચ્ચન પરિવાર, કૉર્ટે આપ્યા મોટા આદેશ: જાણો શું છે સમગ્ર મામલો

• જમીનનો કોન્ટ્રેક્ટ તોડવાનો જયા બચ્ચન પર આરોપ 
• મધ્યપ્રદેશનાં ભોપાલ પાસે છે જમીન 
• ભોપાલની કોર્ટે 30 એપ્રિલના રોજ હાજર રહેવાનો આપ્યો આદેશ 

જાણો શું છે મામલો 

રાજ્યસભા સાંસદ અને સુપર સ્ટાર અમિતાભ બચ્ચનનાં પત્ની જયા બચ્ચન ભોપાલની એક જમીનનાં મામલામાં ફસાયા છે. જયા બચ્ચન પર આરોપ લગાવાઈ રહ્યા છે કે તેમણે ભોપાલની પોતાની જમીન જે કિંમત પર વહેંચવા માંગી હતી, તે કિંમત લીધા બાદ તેઓ ફરી પલટી ગયા અને વધારે પૈસાની માંગણી કરી હતી. આ મામલા પર ભોપાલની અદાલતમાં તેમની વિરુદ્ધ લીગલ નોટિસ જાહેર કરીને તેમને 30 એપ્રિલનાં રોજ હાજર રહેવાનો આદેશ મળ્યો છે. 

​​​​​​​

એક કરોડ રૂપિયા પ્રતિ એકરમાં કર્યો હતો સોદો 
મધ્યપ્રદેશમાં ભોપાલ પાસે આવેલા ગોંડ ગામમાં જયા બચ્ચનની પાંચ એકર જમીર છે, જે તેમણે 10 વર્ષ પહેલા ખરીદી હતી. જયા બચ્ચને પોતાની આ જમીન વહેંચવા માટે ભોપાલના પૂર્વ ધારાસભ્યનાં પુત્ર અનુજ ડાગા પાસેથી એક કરોડ રૂપિયા પ્રતિ એકરમાં સોદો કર્યો હતો. ત્યાર બાદ અનુજ ડાગાએ એક કરોડ તેમના ખાતામાં 19 માર્ચ 2022ના રોજ જમા કર્યા હતા. 

કોર્ટનો આદેશ 

જોકે ત્યાર બાદ જયા બચ્ચન તરફથી અધિકૃત વ્યક્તિ રાજેશ યાદવે વધારે પૈસાની માંગણી કરી હતી, જેનાં પર અનુજ ડાગાએ પહેલા નક્કી કરેલ કિંમત પર જ ખરીદવાની ઈચ્છા જાહેર કરી. ત્યાર બાદ જયા બચ્ચને ડાગાના ખાતામાં ફરી એક કરોડ રૂપિયા નાંખી પણ દીધા હતા. 

આ સમગ્ર મામલામાં અનુજ ડાગાએ જમીનનો કોન્ટ્રેક્ટ તોડવાનો આરોપ લગાવ્યો છે અને કોર્ટમાં ફરિયાદ દાખલ કરાવી છે, જેનાં પર કોર્ટે બધા ફેકટ્સને ધ્યાનમાં રાખીને જયા બચ્ચનને 30 એપ્રિલ 2022નાં રોજ કોર્ટમાં હાજર થઈને પોતાની દલીલો સામે રાખવાનો આદેશ આપ્યો છે.