કેન્દ્રિય ગૃહ મંત્રી અમિત શાહનાં દીકરા અને બીસીસીઆઈનાં સચિવ જય શાહને શનિવારે એશિયન ક્રિકેટ એસોશિયેશનાં અધ્યક્ષ તરીકે પસંદ કરવામાં આવ્યા છે.
એશિયન ક્રિકેટને વિકસિત કરવાનો ઉદ્દેશ
એસીસીમાં 25 એશિયન દેશો સભ્ય
એસીસી ક્રિકેટ રમતને વિકસાવવા ઝડપથી વધી રહ્યું છે
વાર્ષિક સામાન્ય બેઠકમાં લેવાયો નિર્ણય
એશિયન ક્રિકેટ એસોશિયેશનનાં અધ્યક્ષ તરીકે પસંદગી બાદ જય શાહ હવે બાંગ્લાદેશ ક્રિકેટ બોર્ડનાં પ્રમુખ નજમુલ હસનની જગ્યા લેશે. 32 વર્ષનાં જય શાહ આ પદ પર પહોંચનાર સૌથી નાની ઉંમરનાં અધ્યક્ષ છે. વાર્ષિક સામાન્ય બેઠકમાં આ નિર્ણય લેવામાં આવ્યો હતો.
પદનો સ્વીકાર કર્યો
એજીએમને સંબોધિત કરતા નવ-નિર્વાચિત એસીસી અધ્યક્ષ જય શાહે કહ્યું કે, હું આ સન્માનનો સ્વીકાર કરુ છું અને હું બીસીસીઆઈમાં મારા સન્માનિત સહયોગીઓને મને નામાંકિત કરવા અને મને પ્રતિષ્ઠિત પદનાં યોગ્ય માનવા માટે ધન્યવાદ કરું છું. આ ક્ષેત્રમાં રમતને વ્યવસ્થિત કરવા, વિકસિત કરવા અને તેને આગળ ધપાવવા માટેનાં ઉદ્દેશ સાથે ગઠિત એસસી ઝડપથી વધી રહ્યું છે. આપણે એ સુનિશ્ચિત કરવું જોઈએ કે ક્ષેત્રમાં સર્વાંગી વિકાસ થાય.
સૌરવ ગાંગુલીએ અભિનંદન પાઠવ્યા
જય શાહને આપવામાં આવેલ નવી જવાબદારી માટે બીસીસીઆઈનાં પ્રમુખ સૌરવ ગાંગુલીએ પણ અભિનંદન પાઠવ્યા છે. તેમણે કહ્યું કે, એસીસીનાં અધ્યક્ષ બનવા પર જય શાહને અભિનંદન, અમે સાથે કામ કર્યું છે અને હું ક્રિકેટની રમતને વિકસિત કરવાની તેમની યોજના અને દૂરદૃષ્ટીથી સારી રીતે પરિચિત છું. હું વ્યક્તિગત રુપથી તે ઉત્સાહનો અનુભવ કર્યો છે જેમાં તેમણે ચંડીગઢ, ઉત્તરાખંડ અને પૂર્વોત્તર રાજ્યોમાં ક્રિકેટનાં બુનિયાદી ઢાંચાની અને વ્યવસ્થિત પરિસ્થિતિની સ્થાપના કરવા માટે કામ કર્યું છે. બીસીસીઆઈ દરેક મદદનો વિસ્તાર કરશે અને એશિયામાં ક્રિકેટ ગતિવિધિઓનાં પુનઃનિર્માણ અને પુનર્ગઠનમાં એક મોટી ભૂમિકા ભજવશે.
એસીસી માટે યોગ્ય વ્યક્તિ
બીસીસીઆઈનાં ખજાનચી અરુણસિંહ ધુમલે પણ જય શાહની નવી ઉપલબ્ધી પર અભિનંદન પાઠવ્યા છે. તેમણે કહ્યું કે, જય શાહને તેમની સિદ્ધી માટે હાર્દિક શુભેચ્છા. એસીસીને મજબૂત નેતૃત્વની જરુર છે અને તેઓ નિશ્ચિત રુપે સાચા વ્યક્તિ છે. બીસીસીઆઈ પહેલા પણ હંમેશા સભ્ય બોર્ડોની સાથે ઉભુ રહ્યું છે અને આગળ પણ તે મહત્ત્વની ભૂમિકા ભજવતું રહેશે.
શરુઆતમાં 4 દેશ જ સભ્ય હતા
એશિયન ક્રિકેટ એસોસિયેશનની સ્થાપના 19 સપ્ટેમ્બર 1983માં થઈ હતી. આ સંગઠનનો ઉદ્દેશ એશિયામાં ક્રિકેટની રમતને વિકસિત કરવાનો છે. એસીસીને ઇન્ટરનેશનલ ક્રિકેટ કાઉન્સિલની માન્યતા પ્રાપ્ત છે. ભારત અને પાકિસ્તાન સહિત 25 દેશ એસીસીનાં સભ્યો છે. શરુઆતમાં ફક્ત 4 દેશ તેમાં સભ્ય હતા.