મનોરંજન / ના પ્રભાસ કે ના સની દેઓલ, ફિલ્મ જવાનને લઇને બોલિવુડના કિંગ ખાને પોતાને નામ સર્જ્યો વધુ એક રેકોર્ડ

• શાહરૂખ ખાનની 'જવાન' બોક્સ ઓફિસ પર જોરદાર કમાણી કરી રહી
• કમાણીને મામલે ગદર-2 અને બાહુબલીને ઘણી પાછળ છોડી 
• ફિલ્મ 'જવાન'એ 18માં દિવસે શાનદાર કમાણી કરી હતી 

બોલિવૂડના બાદશાહ શાહરૂખ ખાનની ફિલ્મ 'જવાન' બોક્સ ઓફિસ પર જોરદાર કમાણી કરી રહી છે. છેલ્લા 18 દિવસથી બોક્સ ઓફિસ પર દબદબો. જો કે ફિલ્મની કમાણી દિવસેને દિવસે ઘટી રહી છે, તેમ છતાં SRKની 'જવાન'એ ઘણી ફિલ્મોના રેકોર્ડ તોડી નાખ્યા છે. તે જ સમયે, હવે આ ફિલ્મ આ વર્ષે રિલીઝ થયેલી 'પઠાણ'નો રેકોર્ડ તોડવા માટે તૈયાર છે. તાજેતરમાં જ આ ફિલ્મે સાઉથના સુપરસ્ટાર યશની ફિલ્મ 'KGF ચેપ્ટર 2'નો રેકોર્ડ તોડ્યો હતો, ત્યારબાદ હવે શાહરૂખ પોતાની જ બ્લોકબસ્ટર ફિલ્મ 'પઠાણ'નો રેકોર્ડ તોડવાના માર્ગે આગળ વધી ગયો છે.

NEW RECORD ALERT… ‘JAWAN’ FASTEST TO ENTER ₹ 500 CR CLUB…
⭐️ #Jawan: Day 18 [today; Sun]
⭐️ #Gadar2: Day 24
⭐️ #Pathaan: Day 28
⭐️ #Baahubali2 #Hindi: Day 34#India biz. Nett BOC. #Hindi version only. pic.twitter.com/ups4Jx76MB

— taran adarsh (@taran_adarsh) September 24, 2023

કમાણીને મામલે ગદર-2 અને બાહુબલીને ઘણી પાછળ છોડી 
શાહરૂખ ખાન અને નયનતારાની ફિલ્મ 'જવાન' 7 સપ્ટેમ્બરના રોજ સિનેમાઘરોમાં રીલિઝ થઈ હતી, ત્યાર બાદ અત્યાર સુધીમાં આ ફિલ્મે ભારતીય બોક્સઓફિસ પર લગભગ 560.83 કરોડ રૂપિયાનું શાનદાર કલેક્શન કર્યું છે. જોકે ફિલ્મે 16મી અને 17મી તારીખની સરખામણીએ તેની રિલીઝના 18મા દિવસે વધુ કમાણી કરી હતી, પરંતુ તે શરૂઆતના દિવસો કરતા ઘણી ઓછી હતી. જો કે ફિલ્મે ગદર-2 અને બાહુબલીને કમાણીની બાબતમાં ઘણું પાછળ છોડી દીધું છે. 

ફિલ્મ 'જવાન'એ 18માં દિવસે શાનદાર કમાણી કરી હતી 
જ્યારે, જો આપણે શાહરૂખ ખાનની ફિલ્મ 'જવાન'ના 18મા દિવસના કલેક્શન વિશે વાત કરીએ તો, ફિલ્મે 16માં દિવસે 7.6 કરોડ રૂપિયાની કમાણી કરી હતી. 17માં દિવસે ફિલ્મે 12.25 કરોડ રૂપિયાની કમાણી કરી હતી અને જો ફિલ્મના 18મા દિવસની વાત કરીએ તો આ દિવસે ફિલ્મે અન્ય બે દિવસ કરતાં વધુ કમાણી કરી હતી અને 15 કરોડ રૂપિયાની કમાણી કરી હતી. હાલમાં આ આંકડા પ્રાથમિક અંદાજ છે.

Girl Power all the way, and the Box Office numbers are here to say! 💪🔥

Book your tickets now! https://t.co/B5xelUahHO

Watch #Jawan in cinemas - in Hindi, Tamil & Telugu. pic.twitter.com/cFU9P4oixa

— Red Chillies Entertainment (@RedChilliesEnt) September 24, 2023

જવાન પઠાણનો રેકોર્ડ તોડશે
ભારતીય બોક્સ ઓફિસથી આગળ વધીને, જો આપણે વર્લ્ડવાઈડ કમાણી વિશે વાત કરીએ, તો SRKની 'જવાન' રૂ. 1000 કરોડનો આંકડો પાર કરી ગઈ છે. જો કે આ પણ પ્રાથમિક અંદાજ છે. તે જ સમયે, ફિલ્મના નિર્દેશક એટલી કુમારના જણાવ્યા અનુસાર 17મા દિવસ સુધી ફિલ્મનું વિશ્વભરમાં કુલ કલેક્શન 979.08 કરોડ રૂપિયા છે. આવી સ્થિતિમાં, એવી અપેક્ષા રાખવામાં આવે છે કે આગામી દિવસોમાં શાહરૂખ પોતાની જ ફિલ્મ 'જવાન' સાથે તેની જ ફિલ્મ 'પઠાણ'નો 1020 કરોડ રૂપિયાનો રેકોર્ડ તોડી શકે છે.