ભલામણ / લતા મંગેશકર બાદ જાવેદ અખ્તરે ધોનીના રિટાયરમેન્ટ પર કહ્યું આવું...

આઇસીસી વર્લ્ડકપની સેમીફાઇનલમાં ઇન્ડિયાની હાર બાદથી જ ભારતના ધાકડ વિકેટ કીપર અને બેટ્સમેન મહેન્દ્ર સિંહ ધોનીના ક્રિકેટ સંન્યાસ લેવાના સમાચારે ચર્ચામાં બનેલી છે. ધોનીના સંન્યાસ લેવાના સમાચારોથી સેલિબ્રિટીઝની સાથે ફેન્સને પણ મોટો ઝટકો લાગ્યો છે. મહેન્દ્ર સિંહ ધોનીના ક્રિકેટથી સંન્યાસ લેવાના સમાચાર વચ્ચે લતા મંગેશકર બાદ હવે જાવેદ અખ્તરે ધોનીને સંન્યાસ ના લેવાની ભલામણ કરી છે. 

તાજેતરમાં જ જાવેદ અખ્તરે પોતાના ટ્વિટર અકાઉન્ટ પર એક પોસ્ટ શેર કર્યો છે. જાવેદ અખ્તરે લખ્યું, 'એમએસ ધોની મધ્યક્રમનો બેટ્સમેન અને વિકેટકીપરના રૂપમાં એક ભરોસામંદ પ્લેયર છે. વિરાટ કોહલીને એ વાતની સમજ છે કે ક્રિકેટને લઇને ધોનીની સમજ ટીમ માટે ફાયદાકારક છે. એ કોઇ પણ જોઇ શકે છે કે હજુ પણ એનામાં ક્રિકેટ રમી શકે એવો જુસ્સો છે તો આપણે એના રિટાયરમેન્ટની વાત જ કેમ કરી રહ્યા છીએ.'

As a middle order batsman or a WK M S Dhoni is a totally dependable n trustworthy. Virat is graceful enough to accept that Dhoni’s understanding of game is an advantage for the team .One can see that a lot of cricket is still left in Him . Why even talk about his retirement

— Javed Akhtar (@Javedakhtarjadu) July 12, 2019

જણાવી દઇએ કે જાવેદ અખ્તર પરહેલા સ્વર કોકિલા લતા મંગેશકરે એક પોસ્ટ શેર કરતા ધોનીને ક્રિકેટથી રિટાયરમેન્ટ ના લેવાની અપીલ કરી હતી. લતા મંગેશરકરે ટ્વિટર પર લખ્યું હતું, 'નમસ્કાર એમએસ ધોનીજી. આજકાલ હું સાંભળી રહી છું કે તમે રિટાયર થવા ઇચ્છો છો. મહેરબાની કરીને એવું ના વિચારશો. દેશને તમારી ક્રિકેટની જરૂર છે અને આ મારી પણ ભલામણ છે કે રિટાયરમેન્ટનો વિચાર પણ તમે તમારા મનમાં લાવશો નહીં.'

Namaskar M S Dhoni ji.Aaj kal main sun rahi hun ke Aap retire hona chahte hain.Kripaya aap aisa mat sochiye.Desh ko aap ke khel ki zaroorat hai aur ye meri bhi request hai ki Retirement ka vichar bhi aap mann mein mat laayiye.@msdhoni

— Lata Mangeshkar (@mangeshkarlata) July 11, 2019

આ સાથે જ લતાજીએ બીજું એક ટ્વિટ કર્યું હતું, જેમાં એમને 1994માં ગાયેલું ગીત ટીમ ઇન્ડિયાને સમર્પિત કર્યું હતું. 

Kal bhalehi hum jeet na paaye ho lekin hum haare nahi hain.Gulzar sahab ka cricket ke liye likha hua ye geet main hamari team ko dedicate karti hun. https://t.co/pCOy7M1d1Y

— Lata Mangeshkar (@mangeshkarlata) July 11, 2019

જણાવી દઇએ કે સેલિબ્રિટઝ ઉપરાંત ક્રિકેટ ફેન્સને પણ ધોનીના રિટાયરમેન્ટના સમાચારથી ઝટકો લાગ્યો છે. ફેન્સ સોશિયલ મીડિયા પર ઇમોશનલ પોસ્ટ શેર કરીને ધોનીને ક્રિકેટથી સન્યાસ ના લેવાની રિકવેસ્ટ કરી રહ્યા છે.