વેડિંગ / છૂટાછેડાના 5 વર્ષ બાદ ફરી લગ્ન કરશે બોલિવૂડનો આ સ્ટાર, કોરોનાને જોતાં ઓછા મહેમાનો જ થશે સામેલ

• ફરહાન અખ્તર અને શિબાની દાંડેકર 21 ફેબ્રુઆરીએ કરશે લગ્ન
• જાવેદ અખ્તર તરફથી મ્હોર લગાવી દેવામાં આવી
• બંનેના લગ્ન જાવેદ ફેમિલી હોમમાં ખૂબ જ સાદગીપૂર્વક થશે

લગ્ન સાદગીપૂર્વક થશે: જાવેદ અખ્તર

જો કે આ અંગે વરરાજા-કન્યા તરફથી કોઈ નિવેદન સામે આવ્યું નથી. પરંતુ વરરાજાના પિતા એટલેકે જાવેદ અખ્તર તરફથી મ્હોર લગાવી દેવામાં આવી છે. તેમણે જણાવ્યું કે ફરહાન અને શિબાની બંને લગ્નના બંધનમાં 21 ફેબ્રુઆરીએ બંધાઈ જશે. બંનેના લગ્ન ખંડાલા સ્થિત જાવેદ ફેમિલી હોમમાં ખૂબ જ સાદગીપૂર્વક થશે. જાવેદ અખ્તરે જણાવ્યું કે, કોવિડ મહામારીના પ્રતિબંધોને કારણે કેટલાંક ગણ્યાગાંઠ્યા લોકોને જ લગ્નમાં બોલાવવામાં આવ્યાં છે. તેમણે ખુલાસો કર્યો કે આમંત્રણ હજી સુધી મોકલવામાં આવ્યું નથી.

 

 

 

 

View this post on Instagram

 

 

 

 

 

 

 

 

 

 

 

A post shared by Shibani Dandekar (@shibanidandekar)

લગ્ન આયોજકો સંભાળી રહ્યાં છે તૈયારીઓ

એક અખબાર સાથેની વાતચીતમાં જાવેદ અખ્તરે જણાવ્યું કે લગ્નની બધી તૈયારીઓ લગ્નના આયોજકો સંભાળી રહ્યાં છે. તેમણે કહ્યું કે આ એક ઈન્ટિમેટ સમારોહ હશે. સ્થિતિને ધ્યાનમાં રાખીને એક બાબત સ્પષ્ટ છે કે અમે મોટાપાયે કોઈ પણ વસ્તુને હોસ્ટ નહીં કરી શકીએ. તેથી અમે કેટલાંક લોકોને બોલાવી રહ્યાં છે. આ એક અત્યંત સામાન્ય લગ્ન હશે. જાવેદ અખ્તરે આ દરમ્યાન ભાવિ વહૂના ખૂબ વખાણ કર્યા. તેમણે કહ્યું કે તેમનો આખો પરિવાર શિબાનીને ખૂબ પસંદ કરે છે. 

ફરહાન અખ્તરના આ છે બીજા લગ્ન 

ફરહાન અખ્તરે પહેલા હેર સ્ટાઈલિસ્ટ અધુના ભબાની સાથે લગ્ન કર્યા હતા. વર્ષ 2017માં બંનેએ છૂટાછેડા લીધા હતા. બંનેની બે દીકરીઓ છે, શાક્ય અને અકીરા.