IND vs WI / વિહારીની પ્રથમ સદી અને બુમરાહની પ્રથમ હેટ્રિક, વેસ્ટ ઇન્ડિઝ ભારત સામે લાચાર સ્થિતિમાં

ભારતના ફાસ્ટ બોલર જસપ્રીત બુમરાહ એકવાર ફરી વેસ્ટ ઈંડિઝના બેટ્સમેન પર આફત બનીને તૂટ્યા. શનિવારે બીજી ટેસ્ટના બીજા દિવસે વેસ્ટ ઈન્ડિઝના બેટ્સમેન એકવાર ફરી બુમરાહની સામે ઘૂંટણ ટેકતા જોવા મળ્યા. બુમરાહે કરિયરની પહેલી હેટ્રિક સાથે કુલ 6 વિકેટ લીધી. આ રીતે ભારતના 416 રનના જવાબમાં વેસ્ટ ઈન્ડિઝે હાલમાં 7 વિકેટના નુકસાને 87 રન બનાવ્યા હતા. 

ઉલ્લેખનીય છે કે એંટીગા ટેસ્ટમાં વેસ્ટ ઈન્ડિઝની સાથે માત્ર 7 રન બનાવીને 5 વિકેટ લેનારા બુમરાહ કિંગસ્ટનમાં પણ પોતાનો જુસ્સો જાળવી રાખતા જોવા મળ્યા. વેસ્ટ ઈન્ડિઝના બોલર એક પછી એક તેમનો શિકાર બનતા રહ્યા. પહેલી ટેસ્ટમાં બુમરાહે 5 વિકેટ લીધી અને અન્ય ટેસ્ટમાં વેસ્ટ ઈન્ડિઝની પહેલી ઈનિંગમાં હાલ સુધી તેઓ 6 વિકેટ લઈ ચૂક્યા છે.

બુમરાહની હેટ્રિકના હીરો વિરાટ

વેસ્ટ ઈન્ડિઝની ઈનિંગની 9મી ઓવર બુમરાહે કરી અને સાથે આ ઓવરમાં તેઓએ બીજા, ત્રીજા અને ચોથા બોલ પર સતત 3 વિકેટ લીધી અને હેટ્રિક બનાવી. તેમની ઓવરના બીજા બોલ પર ડૈરેન બ્રાવો કેએલ રાહુલાના હાથે આઉટ થયા. શરીરથી દૂર રહેલા બોલને તેમના બેટની સાઈડનો ભાગ લઈને સ્લીપમાં પહોંચ્યો અને રાહુલે તેને પકડવામાં જરાય ખામી રાખી નહીં. ઓવરના ત્રીજા બોલ પર બ્રૂક્સ LBW થયા, હવે બુમરાહ હેટ્રિકની નજીક હતો. આ વખતે તેમનો બોલ રોસ્ટન ચેઝના પેડ પર પડ્યો. પરંતુ અંપાયરે કોઈ ખાસ પ્રતિક્રિયા આપી નહીં અને બુમરાહને પણ વિશ્વાસ ન હતો કે બોલ સ્ટંપ પર લાગશે. અહીં કપ્તાન કોહલીના મનમાં પણ કંઈક અલગ ચાલી રહ્યું હતું. તેઓએ ડીઆરએસ લેવાનું નક્કી કર્યું અને અંપાયરને નિર્ણય બદલવો પડ્યો કારણકે બોલ સ્ટંપ પર વાગ્યો હતો.

હનુમાએ લગાવ્યો શતક

આ પહેલા યુવા બેટ્સમેન હનુમા વિહારીએ શાનદાર શતક લગાવીને ભારતને પહેલી ઈનિંગમમાં 416 રન પર પહોંચાડ્યું હતું. આ ટાર્ગેટને પહોંચવા આવેલી વેસ્ટ ઈન્ડિઝના બેટ્સમેન ભારતીય બોલર્સની સામે ઘૂંટણ ટેકતા જોવા મળ્યા. ખાસ કરીને બુમરાહને લઈને તેઓ ડરેલા હતા. પરિણામે 87 રન બનાવીીને વેસ્ટ ઈન્ડિઝની 7 વિકેટ પડી ચૂકી હતી. બુમરાહ સિવાય મોહમ્મદ શમીએ પણ એક વિકેટ લીધી હતી.

ઈશાંત શર્માની શાનદાર બેટિંગ

આ વખતે ફાસ્ટ બોલર ઈશાંત શર્માએ પણ કરિયરનું પહેલું અર્ધશતક બનાવીને સૌને ચોંકાવી દીધા હતા. શર્માએ હનુમા વિહારીની સાથે મળીને 112 રનની સાઝેદારી બનાવી હતી. જેના કારણે જ ભારત 400 રનનો આંકડો પાર કરવામાં સફળ રહ્યું હતું.