Viral / 'શર્ટલેસ' બુમરાહ થઇ ગયો ટ્રોલ, પરંતુ પોતાના જવાબથી કર્યો ક્લીન બોલ્ડ

વાસ્તવમા, બોલર જસપ્રીત બુમરાહે કેપ્ટની કોહલી સાથે એન્ટીગા બીચનો એક ફોટો ઇન્સ્ટાગ્રામ અને ટ્વિટર અકાઉન્ટ પર પોસ્ટ કર્યો છે. આ ફોટોમાં બંને ખેલાડી પાણીમાં છે અને શર્ટલેસ નજરે આવી રહ્યા છે. સાથે જ જસપ્રીત બુમરાહે જે શોર્ટ્સ પહેર્યું હતું એ થોડું ટ્રાન્સપરન્ટ લાગી રહ્યું છે. એને લઇને લોકોએ બુમરાહને સોશિયલ મીડિયા પર ટ્રોલ કરવાનું શરૂ કરી દીધું છે. 

Sun soaking with @imVkohli and the team. 🌊🌊 pic.twitter.com/XHGKJ7SGou

— Jasprit Bumrah (@Jaspritbumrah93) August 21, 2019

બુમરાહના આ ફોટાને લઇને ઘણા યૂઝર બુમરાહને સોશિયલ મીડિયા પરથી ફોટો હટાવવાની માગ કરી રહ્યા છે, જ્યારે કેટલાક યૂઝર્સ ખરાબ ટિપ્પણીઓ કરી રહ્યા છે. જો કે આ બધા વચ્ચે બુમરાહે ખરાબ કમેન્ટ્સ કરનાર લોકોને જવાબ આપ્યો છે. 

બુમરાહે ટ્રોલ્સને જવાબ આપતા પોતાના ઇન્સ્ટાગ્રામ સ્ટોરી પર લખ્યું: 'મજેદાર સત્ય એ છે કે લોકોને હાલ રોશની અને પડછાયો સમજ આવી રહ્યો નથી. આશા છે કે લોકો જલ્દી જ એને સમજી જશે.'

યુવરાજે કર્યા વખાણ
નોંધનીય છે કે બુમરાહ અને વિરાટનો આ ફોટા પર પૂર્વ ક્રિકેટર યુવરાજ સિંહે પણ કમેન્ટ કરી. એમને બંનેની ફિટનેસના વખાણ કર્યા. ઇન્સ્ટાગ્રામના ફોટો પર કમેન્ટ કરતાં યુવરાજ સિંહે લખ્યું છે કે ઓહો, ફિટનેસ આઇડલ. 

જણાવી દઇએ કે ટીમ ઇન્ડિયા વેસ્ટ ઇન્ડિઝમાં છે. જ્યાં ભારતે વન ડે અને ટી20 સીરિઝ, બંને પર કબ્જો જમાવી લીધો છે. હવે વર્લ્ડ ટેસ્ટ ચેમ્પિયનશિપ માટે ભારત અને વેસ્ટઇન્ડિઝની વચ્ચે પહેલી મેચ એન્ટીગામાં થઇ રહી છે. ભારત હાલ ટેસ્ટ રેંકિંગમાં નંબર વન પર છે.