ક્રિકેટ / T20 World Cup પહેલા ટીમ ઈન્ડીયાનો તગડો ઝટકો, ઈજાને કારણે મુખ્ય બોલરને જ બહાર કરી દેવાયો

• જસપ્રીત બુમરાહ T20 World Cupમાંથી બહાર
• બેક સ્ટ્રેસ ફ્રેક્ચરને કારણે પડતો મૂકાયો
• શમી કે ચહરને લેવામાં  આવી શકે 
• 16 ઓક્ટોબરથી ઓસ્ટ્રેલિયામાં શરુ થઈ રહ્યો છે ટી20 વર્લ્ડ કપ 

ઓસ્ટ્રેલિયામાં 16 ઓક્ટોબરથી શરૂ થઈ રહેલા ટી-20 વર્લ્ડ કપ પહેલા ભારતીય ટીમને મોટો ઝટકો લાગ્યો છે. ટીમ ઈન્ડિયાનો મુખ્ય બોલર જસપ્રીત બુમરાહ ઈજાના કારણે ટી-20 વર્લ્ડ કપમાંથી બહાર થઈ ગયો છે. ન્યૂઝ એજન્સી પીટીઆઈએ બીસીસીઆઈના સૂત્રોને ટાંકીને આ માહિતી આપી છે. બીસીસીઆઈનું સત્તાવાર નિવેદન હજુ સુધી આવ્યું નથી.

જસપ્રીત બુમરાહને થયેલી ઈજા ગંભીર, દોઢ મહિનાના આરામની જરુર 
જસપ્રીત બુમરાહને થયેલી ઈજા ગંભીર છે અને તેથી તેને દોઢ મહિનાના આરામની જરુર છે તો જ તેને આરામ મળી શકે તેમ છે. જસપ્રિત બુમરાહ પીઠની સમસ્યાના કારણે દક્ષિણ આફ્રિકા સામે પ્રથમ ટી-20 મેચ પણ રમી શક્યો નહતો. 

Jasprit Bumrah out of T20 World Cup with back stress fracture: BCCI sources

— Press Trust of India (@PTI_News) September 29, 2022

ચહર અથવા શમીને મુખ્ય ટીમમાં સ્થાન મળી શકે 
મુખ્ય બોલર જ આઉટ થયો હોવાથી હવે ખરો સવાલ એ છે કે તેને બદલે કયા ખેલાડીને લેવામાં આવશે. હાલમાં દીપક ચહર અને અને મોહમ્મદ શમી સ્ટેન્ડબાય ખેલાડીઓનો હિસ્સો છે, તેથી તેમાંથી કોઈ એકને મુખ્ય ટીમમાં સામેલ કરવામાં આવી શકે છે. આઈસીસીના નિયમ મુજબ 15 ઓક્ટોબર સુધી ટીમ ઈન્ડિયા ટી20 વર્લ્ડકપની મુખ્ય ટીમમાં ફેરફાર કરી શકે છે.

ટી20 વર્લ્ડ કપ માટે ભારતીય ટીમ 
રોહિત શર્મા (કેપ્ટન), કેએલ રાહુલ (વાઇસ કેપ્ટન), વિરાટ કોહલી, સૂર્યકુમાર યાદવ, દીપક હુડ્ડા, રિષભ પંત (વિકેટકીપર), દિનેશ કાર્તિક (વિકેટકીપર), હાર્દિક પંડ્યા, આર અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર કુમાર, હર્ષલ પટેલ, અર્શદીપ સિંહ.

16 ઓક્ટોબરથી ઓસ્ટ્રેલિયામાં ટી20 વર્લ્ડ કપ

16 ઓક્ટોબરથી ઓસ્ટ્રેલિયામાં ટી20 વર્લ્ડ કપ શરુ થઈ રહ્યો છે અને ભારત તેની ટીમ પણ જાહેર કરી દીધી છે પરંતુ મુખ્ય બોલરની ગેરહાજરી ચિંતાનો વિષય બની શકે છે.