Video / જસપ્રિત બુમરાહનો તેની દુલ્હન સાથે વીડિયો થઇ રહ્યો છે વાયરલ, અનુપમા બાદ આ એન્કરનું નામ આવ્યુ સામે 

• અનુુપમા બાદ સંજનાનું નામ આવ્યુ સામે 
• સંજના ગણેશન સાથે લગ્ન કરશે બુમરાહ?
• સંજના અને બુમરાહનો વીડિયો થયો વાયરલ

થોડા સમય પહેલા સાઉથ ઇન્ડિયન એક્ટ્રેસ અનુપમા પરમેશ્વરન સાથે લગ્ન કરશે તેવી ચર્ચાઓ થઇ હતી. અનુપમા ગુજરાત પહોંચી ગઇ હતી અને બુમરાહે પણ રજા લીધી હતી માટે તેવુ કહેવાતુ હતુ કે બંને પરણશે. અનુપમાની માતાએ ખુલાસો કર્યો કે તે લગ્ન નથી કરવાના. અનુપમા એક્ટ્રેસ છે અને તેને શૂટિંગ માટે બહાર જવુ પડે છે. તેના માટે તે ગુજરાતના દ્વારકા પહોંચી છે. 

સંજના ગણેશન સાથે કરશે લગ્ન ?
હવે ફરી એક વાર બુમરાહના લગ્ન સંજના ગણેશન નામની એન્કર સાથે થશે તેવી અફવાએ જોર પકડ્યું છે. તેની સાથે સાથે બુમરાહનો એક વીડિયો વાયરલ થઇ રહ્યો છે. 14-15 માર્ચ બુમરાહ સંજના સાથે પરણી જશે તેવી વાતો થઇ રહી છે. 

સ્પોર્ટ્સ વૅબસાઇટ સ્પોર્ટ્સ કીડાની ટ્વિટ પ્રમાણે સંજના અને બુમરાહના લગ્ન ગોવામાં થશે. સંજના આઇપીએલ એન્કર છે અને ICC વર્લ્ડ કપ 2019ને પણ હોસ્ટ કરી ચૂકી છે. સંજના ગણેશને એન્જીનીયરિંગ પણ કરી છે અને તે 2014માં મિસ ઇન્ડિયાના ફાઇનલ સુધી પણ પહોંચી હતી. 2013માં ફેમિના ગોર્જીયસનો ખિતાબ પોતાને નામ કર્યો હતો. 

વીડિયો વાયરલ 
આ વચ્ચે સોશ્યલ મિડીયા પર એક વીડિયો વાયરલ થઇ રહ્યો છે. એક કાર્યક્રમ દરમિયાન જસપ્રીત બુમરાહનો ઇન્ટરવ્યૂ લઇ રહી છે. ફેન્સ આ વીડિયોને શૅર કરીને લગ્નના અભિનંદન પાઠવી રહ્યાં છે. 

અનુપમાનું નામ હટ્યા બાદ જસપ્રિત બુમરાહનું નામ ફેમસ સ્પોર્ટ્સ એન્કર સંજના ગણેશન સાથે જોડવામાં આવી રહ્યું છે. સંજના આઇપીએલ દરમિયાન કેકેઆર ડાયરીઝ નામનો શો પણ હોસ્ટ કરી ચૂકી છે.