INDvsENG / ઈંગ્લેન્ડ સામેની ટેસ્ટમાં બૂમરાહ કરશે ટીમ ઈન્ડિયાની કેપ્ટન્સી, રિષભ પંત વાઇસ કેપ્ટન, BCCI એ કરી જાહેરાત

• આવતીકાલથી ભારત અને ઈંગ્લેન્ડ વચ્ચે ટેસ્ટ મેચ
• 2-1 થી ભારત શ્રેણીમાં આગળ છે 
• અગાઉ રાહુલ દ્રવિડની કેપ્ટન્સીમાં જ જીતી હતી ટીમ 

ઈંગ્લેન્ડ ક્રિકેટ ટીમ દ્વારા પોતાના જ ઘરઆંગણે ભારત સામે રમાવા જઈ રહેલી પાંચમી ટેસ્ટ મેચ માટે કમર કસી લીધી છે. ઓલરાઉન્ડર કેપ્ટન બેન સ્ટોક્સની આગેવાનીમાં આ મેચ બર્મિંગહામમાં રમશે. 

ઈંગ્લેન્ડ દ્વારા આ મેચ માટે ટીમની જાહેરાત કરવામાં આવી છે. 

રિષભ પંતને પ્રમોશન 

સાઉથ આફ્રિકા સામેની ટી-20 શ્રેણીમાં કેપ્ટન્સી કરનાર વિકેટકીપર બેટ્સમેન રિષભ પંત વાઇસ કેપ્ટને વાઇસ કેપ્ટન બનાવવામાં આવ્યો છે. આ સાથે તેને મોટી જવાબદારી મળી છે અને પ્રમોશન થયું છે. 

NEWS 🚨 - @Jaspritbumrah93 to lead #TeamIndia in the fifth Test Match against England.@RishabhPant17 will be the vice-captain for the match.#ENGvIND pic.twitter.com/ueWXfOMz1L

— BCCI (@BCCI) June 30, 2022

પ્લેઇંગ ઇલેવન: 
એલેક્સ લીસ, જેક ક્રોલી, ઓલી પોપ, જો રૂટ, જોની બેરસ્ટો, બેન સ્ટોક્સ (કેપ્ટન), સેમ બિલિંગ્સ (વિકેટકીપર), મેથ્યુ પોટ્સ, સ્ટુઅર્ટ બ્રોડ, જેક લીચ અને જેમ્સ એન્ડરસન 

આવતીકાલે ઈન્ડીયા અને ઈંગ્લેન્ડ વચ્ચે પાંચમી ટેસ્ટ 
1 જુલાઈએ ઈંગ્લેન્ડ સામે રમાનાર પાંચમી ટેસ્ટ માટે બીસીસીઆઈએ જસપ્રીત બુમરાહને કેપ્ટન બનાવ્યો છે. કોરોનાને કારણે રોહિત શર્માને આરામ આપવામાં આવ્યો છે. 

ફાસ્ટ બોલર જસપ્રિત બુમરાહને બનાવાયો કેપ્ટન 
ઈંગ્લેન્ડ વિરુદ્ધ પાંચમી ટેસ્ટ પહેલા ટીમ ઈન્ડિયાને મોટો ઝટકો લાગ્યો છે.  કોરોનાથી સાજા થવાનો પ્રયાસ કરી રહેલો રોહિત શર્મા પાંચમી ટેસ્ટમાં રમવાનો નથી. તેની જગ્યાએ ફાસ્ટ બોલર જસપ્રિત બુમરાહને કેપ્ટનશિપ આપવામાં આવી છે.

રોહિત શર્મા કોવિડ-19 પૉઝિટીવ
રોહિત શર્મા કોવિડ-19 પૉઝિટીવ છે અને હાલમાં તે આઈસોલેશનમાં છે. આજે ટીમ ઈન્ડિયાએ એજબેસ્ટોનમાં પ્રેક્ટિસ શરુ કરી હતી, પણ તેમાં કેપ્ટન રોહિતે ભાગ લીધો નથી. આ પરીક્ષણ કોરોનાવાયરસને કારણે વર્ષ 2021 માં રદ કરવામાં આવ્યું હતું. અત્યારે ટીમ ઇન્ડિયા શ્રેણીમાં 2-1થી આગળ છે. પણ તાજેતરમાં ન્યુઝીલેન્ડ સામે ક્લિન સ્વિપ કર્યા બાદ ઈંગ્લેન્ડનો જુસ્સો બુલંદ છે.
 ભારતીય ટીમ મેનેજમેન્ટ તરફથી પ્લેઇંગ ઇલેવનની જાહેરાત થવાની બાકી છે. 

ટેસ્ટ મેચ માટે ભારતીય ટીમ:

જસપ્રિત બુમરાહ (કેપ્ટન), શુભમન ગિલ, વિરાટ કોહલી, શ્રેયસ અય્યર, હનુમા વિહારી, ચેતેશ્વર પૂજારા, રિષભ પંત (વિકેટકીપર), કેએસ ભારત (વિકેટકીપર), મયંક અગ્રવાલ, રવિન્દ્ર જાડેજા, રવિચંદ્રન અશ્વિન, શાર્દુલ ઠાકુર, મોહમ્મદ શમી, પ્રસિધ કૃષ્ણા., મોહમ્મદ સિરાજ, ઉમેશ યાદવ.