રાજકોટઃ જસદણના જંગ અગાઉ બંને પક્ષો પોતાની તમામ તાકતો ચૂંટણી જીતવા માટે લગાવી રહ્યા છે. જસદણમાં 20 ડિસેમ્બરે વિધાનસભાની પેટા ચૂંટણી યોજાવવાની છે. ત્યારે કોંગ્રેસે હજુ સુધુ ઉમેદવાર જાહેર કર્યો નથી. કોંગ્રેસ ઉમેદવારી પત્ર ભરવાના અંતિમ ક્ષણ સુધી સસ્પેન્સ રાખવા માંગે છે. જો કે કોંગ્રેસે 10 ઉમેદવારો પાસે ફોર્મ ભરાવ્યાં છે. રણનીતિના ભાગરૂપે આજે રાજકોટ જિલ્લા કોંગ્રેસ પ્રમુખ આજે 9 ઉમેદવારોના ફોર્મ લઈને પ્રદેશ કાર્યલાય પહોંચ્યા હતા.
રાજકોટ જિલ્લા કોંગ્રેસ પ્રમુખ હિતેશ વોરાએ જણાવ્યું હતું કે પ્રદેશ પ્રમુખના આદેશ અનુસાર તમામ સંભવિત 9 ઉમેદવારના ફોર્મ લઈને આવ્યા છે અને લીગલ સેલ તથા પ્રદેશ પ્રમુખ સાથે પરામર્શ કરવામાં આવશે. ત્યાર બાદ ઉમેદવારની ઘોષણા 3જી ડિસેમ્બર એટલે કે ફોર્મ ભરવાના અંતિમ દિવસે બપોર સુધી કરવામાં આવશે.
કોંગ્રેસ ભોળા ગોહિલનું નામ કરી શકે છે જાહેર
પેટાચૂંટણીમાં કોંગ્રેસ દ્વારા ભોળા ગોહિલનુ નામ જાહેર કરવામાં આવી શકે છે. ભોળા ગોહિલે પણ ઉમેદવારી ફોર્મ ભરતા રાજકારણમાં ગરમાવો જોવા મળ્યો છે. ત્યારે રાજકોટ કોંગ્રેસ જિલ્લા પ્રમુખ હિતેષ વોરા અમદાવાદ કોંગ્રેસ કાર્યલયે પહોંચ્યા છે. તેઓ સંભવિત ઉમેદવારોના ફોર્મ લઇને પહોંચ્યા છે. અમદાવાદ કોંગ્રેસની લીગલ ટીમ અને પ્રદેશ પ્રમુખ સાથે પરામર્શ કરશે.
માનવામાં આવી રહ્યું છે કે સોમવારે કોંગ્રેસ ઉમેદવારનું નામ જાહેર કરશે. મહત્વનુ છે કે કોંગ્રેસ દ્વારા કોળી સમાજના મત મેળવવા માટે કોળી ઉમેદવારનુ નામ જાહેર કરી શકે છે. કોંગ્રેસના 2 સંભાવિત ઉમેદવારો છે. બંન્ને કોળી સંભવિત ઉમેદવારોમાં ભોળા ગોહિલનું નામ આગળ છે.
અપક્ષમાંથી પણ કોણ ઉમેદવાર કરી શકે છે જાહેર
મળતી માહિતી મુજબ કોંગ્રેસ અપક્ષમાંથી પણ કોઈ કોળી આગેવાનને ઉમેદવાર જાહેર કરી શકે છે. કોળી સમાજના મતો મેળવવા માટે કોંગ્રેસ કોળી સમાજના આગેવાનને ઉમેદવાર બનાવે તેવી શક્યતા છે.
વિનુ ધડુકે ફોર્મ ઉપાડતા દાવેદારોની સંખ્યા વધી
જસદણ વિધાનસભા પેટાચૂંટણીના મામલે કોંગ્રેસના વધુ એક દાવેદારે ફોર્મ ઉપાડ્યું છે. વિનુ ધડુકે ફોર્મ ઉપાડતા દાવેદારોની સંખ્યા વધી છે. અત્યાર સુધી કોંગ્રેસના 10 દાવેદારોએ ફોર્મ ઉપાડ્યા છે. ઉમેદવારની પસંદગીને લઇને કોંગ્રેસમાં ગડમથલ યથાવત્ છે.
કોંગ્રેસ હાઇકમાન્ડે પાંચેય ઉમેદવારોને આપ્યો આદેશ
પક્ષમાં આંતરિક ખેંચતાણ ડામવા સ્ટ્રેટર્જી બદલાઈ રહી છે. કોંગ્રેસના સંભવિત ઉમેદવારોઓએ મામલતદાર કચેરીથી ફોર્મ લીધા છે. કોંગ્રેસ હાઇકમાન્ડે પાંચેય ઉમેદવારો પૈકી ભોળા ગોહિલ અવચર નાકિયા ધીરુ શીંગોળા ગજેન્દ્ર રામાણી આદેશ આપતા તેમણે ફોર્મ ઉઠાવ્યા છે. આમ છેલ્લી ગડીએ ફોર્મ ઉઠાવતા કોંગ્રેસની સ્ટ્રેટર્જીથી પ્રેદેશ નેતાગીરી નબળી પૂરવાર સાબીત થઈ રહી છે.
જિલ્લા પ્રમુખ હિતેષ વોરાને પ્રદેશ કાર્યાલયનું તેડુ
જસદણની પેટા ચૂંટણીમાં કોંગ્રેસના ઉમેદવારને લઈને મામલો ગુચવાયો છે. મળતી માહિતી પ્રમાણે જિલ્લા પ્રમુખ હિતેશ વોરાને પ્રદેશ કાર્યાલયનું તેડું આવ્યું છે. પ્રદેશ અધ્યક્ષ અમિત ચાવડાએ 7 સંભવિત ઉમેદવારોના ફોર્મ લઈને હિતેષ વોરાને અમદાવાદ બોલાવ્યા છે. દાવેદારોનું લિસ્ટ વધતા કોંગ્રેસ ગુચવાઈ છે. અત્યાર સુધીમાં 10 દાવેદારોએ ઉમેદવારી માટે ફોર્મ ઉપાડ્યા છે.