જસદણ પેટાચૂંટણી જંગમાં લહેરાયો ભગવો કુંવરજી બાવળિયાની જીત

જસદણમાં ભાજપનો ભગવો ફરી એક વખત લહેરાયો છે. જોકે ભાજપે આ જીતનો હરક લેતા પહેલા એ વાત ખાસ નોંધવી જોઈએ કે ભાજપને આ જીત માત્ર વ્યક્તિ વિષેશતાને કારણે મળી છે. કુવરજી બાવળિયા 1995 1998 2002 2007 અને 2017માં એમ કુલ 5 વખત સતત આ બેઠક પરથી ચૂંટાઈ આવ્યા છે.

જેનો શ્રેય ભાજપને આજે મળ્યો છે. પક્ષ બદલ્યો હોવા છતા પ્રતિષ્ઠા બાવળિયાની ઝડવાઈ રહી હોવાનું આ પરિણામ આજે સામે આવ્યું છે. સ્થાનિક જનતાએ કુંવરજી બાવળિયાની લાંબી રાજનીતિ પર વિશ્વાસ કર્યો છે. 5 વખત અગાઉ તેઓ ધારાસભ્ય અને સંસદ સભ્ય રહિ ચુક્યા છે..જેથી તેમની કાર્યક્ષમતા પર જનતાએ વિશ્વાસ કર્યો છે.

ઉલ્લેખનીય છે કે જસદણમાં પેટાચૂંટણીની મતગણતરી આજરોજ વહેલી સવારથી શરૂ થઈ ગઈ હતી. 14 જેટલા ટેબલ પર મતગણતરી હાથ ધરવામાં આવી હતી. આપને જણાવી દઇએ કે જસદણમાં 71.27 ટકા જેટલું જંગી મતદાન પણ નોંધાયુ હતું. કુંવરજી બાવળિયાને મંત્રી પદ જાળવવા માટે પણ આ જીત ખુબ જ મહત્વ રાખે છે.