રાજકોટઃ જસદણ વિધાનસભાની પેટા ચૂંટણી માટે મતદાન ચાલી રહ્યું છે. ત્યારે પેટાચૂંટણીને લઈને જસદણના લોકોમાં ઉત્સાહ જોવા મળી રહ્યો છે. મતદાનની શરૂઆત થતા જ કેન્દ્રો પર મતદારોની લાઈન લાગી છે. આ કડકડતી ઠંડીમાં વૃદ્ધો દિવ્યાંગો દર્દીઓ અને મોટા પ્રમાણમાં લોકો મતદાન કરવા માટે પહોંચી રહ્યા છે.
મતદાનને લઈને છેવાડાના ભડલીના ગ્રામજનોમાં ઉત્સાહ
જસદણના વિંછીયાના છેવાડાના ભડલી ગામમાં પણ ગ્રામજનોમાં મતદાનને લઈને ભારે ઉત્સાહ જોવા મળ્યો. મતદાનને પગલે ગ્રામજનો વહેલી સવારથી મતદાન કરવા માટે પહોંચ્યા હતા. ત્યારે મતદાન માટે મતદારોની લાંબી લાઈનો જોવા મળી હતી. તો મતદારોએ પણ પોતાના મતાધિકારનો ઉપયોગ કરીને પોતાના નેતાની પસંદગી કરી હતી.
જસદણમાં 112 વર્ષના વૃદ્ધાએ કર્યુ મતદાન
ત્યારે જનતા મતદાન કરવા માટે પોતાના મકાનોમાંથી બહાર નીકળી રહ્યાં છે. ત્યારે વૃદ્ધો પણ પાછળ નથી રહ્યા. જસદણમાં નેતાની પસંદગી કરવા માટે 112 વર્ષીય વૃદ્ધા પણ મતદાન કરવા માટે પહોંચ્યા. 112 વર્ષની ઉંમરે પોતાના મતાધિકારનો ઉપયોગ કર્યો. સાથે જ મતદાન કરીને યુવાનોને પણ મતદાન કરવા માટે પ્રોત્સાહન આપ્યું.
બંધાણી ગામમાં 105 વર્ષના વૃદ્ધાએ કર્યું મતદાન
જસદણમાં ચૂંટણીનો જંગ જામ્યો છે. ત્યારે મતદાન કરવા માટે યુવાનોથી લઈને મોટેરાઓ સુધી ઉમટી પડ્યા છે. ત્યારે 105 વર્ષના વૃદ્ધા પણ મતદાન કરવા માટે પહોંચ્યા હતા. અન્ય લોકોને પણ મતદાન કરવા માટે અપીલ કરી હતી.
દર્દીઓ હોસ્પિટલમાંથી મતદાન કરવા પહોંચ્યા
આ પેટાચૂંટણીને લઇને મતદાન કરવા માટે લોકોમાં ઉત્સાહ જોવા મળ્યો છે. હોસ્પિટલમાંથી દર્દીઓ મતદાન કરવા માટે પહોંચ્યા હતા.
દિવ્યાંગોએ કર્યું મતદાન
મહત્વનુ છે કે જસદણમાં દિવ્યાંગો માટે પણ મતદાન કેન્દ્ર બનાવવામાં આવ્યુ છે. ત્યારે દિવ્યાંગો પણ મતદાન કરવા માટે પહોંચ્યા હતા. એક તરફ કડકડતી ઠંડી પડી રહી છે. ત્યારે દિવ્યાંગો મતદાન કરવા પહોંચ્યા. સાથે જ અન્ય લોકોને પણ મતાધિકારનો ઉપયોગ કરવાની અપીલ કરી છે.
દિવ્યાંગો માટે ઉભુ કરાયું આદર્શ દિવ્યાંગ મતદાન મથક
રાજકોટના જસદણમાં આજે પેટા ચૂંટણી માટે મતદાન યોજાવા જઈ રહ્યું છે. ત્યારે દિવ્યાંગો માટે પણ આદર્શ દિવ્યાંગ મતદાન મથક ઉભા કરવામાં આવ્યા છે. વોર્ડ નંબર 2માં દિવ્યાંગો માટે ખાસ બુથ તૈયાર કર્યું છે. જેમાં દિવ્યાંગો માટે તમામ સુવિધાઓ રાખવામાં આવી છે. મહત્વનું છે કે જસદણમના 66 દિવ્યાંગ અહીં મતદાન કરશે.
નવાગામ ખાતે ધીમી ગતીએ મતદાન
જસદણના નવાગામમાં પણ ચૂંટણી યોજાઈ છે. આ ગામમાં ધીમી ગતિએ મતદાન થઈ રહ્યુ છે. નવા ગામમાં 1100 જેટલા મતદારો મત આપવાના છે.