જસદણમાં 20 ડિસેમ્બરે પેટાચૂંટણી યોજાશે. ભાજપ અને કોંગ્રેસ ચૂંટણીમાં જીત મેળવવા માટે એડી ચોટીનો જોર લગાવી રહ્યા છે. ત્યારે હવે જસદણમાં રાજકીય પક્ષોના પ્રચાર પડઘમ શાંત થયા છે.
બન્ને પક્ષોના નેતાઓનું ડોર ટૂ ડોર પ્રચાર શરૂ થયો છે. મહત્વનુ છે કે બન્ને પક્ષો દ્વારા જસદણમાં રેલીનુ આયોજન કરવામાં આવ્યુ હતું. આ રેલીમાં બન્ને પક્ષોના દિગ્ગજ નેતાઓ જોડાયા હતા. આજે પણ ભાજપ અને કોંગ્રેસના દિગ્ગજ નેતાઓ ડોર ટૂ ડોર પ્રચાર કરશે.
મહત્વનું છે કે ભાજપ તરફથી કુંવરજી બાવળિયા મેદાને છે જ્યારે બીજી તરફ કોંગ્રેસ તરફથી અવસર નાકીયા મેદાને છે. હાલમાં ત્રણ રાજ્યમાં કોંગ્રેસ દ્વારા દેશના ત્રણ રાજ્યમાં સરકાર બનાવ્યા બાદ કોંગ્રેસના કાર્યકરોમાં ભારે ઉત્સાહ જોવા મળી રહ્યો છે.
આપને જણાવી દઇએ કે જસદણ પેટા ચૂંટણીનો જંગ એ પ્રતિષ્ઠાનો જંગ બન્યો છે. તમામ રાજકીયપક્ષો આ ચૂંટણીમાં એડી ચોડીનું જોર લગાવી રહ્યા છે. જસદણમાં 20 ડિસેમ્બરે વિધાનસભાની પેટાચૂંટણી યોજાવાની છે ત્યારે આજથી બંન્ને પક્ષના નેતાઓએ ડોર ટૂ ડોર પ્રચાર શરૂ કર્યો છે અને મતદાઓને રીઝવવા મેદાને પડ્યા છે.