જસદણ વિધાનસભાની પેટાચૂંટણીની તારીખ જાહેર કરવામાં આવી છે. જસદણ વિધાનસભા બેઠકની પેટા ચૂંટણી 20મી ડિસેમ્બરના રોજ યોજાશે.
જયારે આ બેઠકનું પરિણામ 23 ડિસેમ્બરના રોજ જાહેર કરવામાં આવશે. ઉલ્લેખનીય છે કે પેટાચૂંટણીને લઇને રાજ્યમાં ભાજપ અને કોંગ્રેસ એડીચોટીનું જોર લગાવી રહ્યાં છે.
3 ડિસેમ્બરના રોજ જસદણ પેટાચૂંટણીને લઇને ફોર્મ ભરવાની અંતિમ તારીખ છે. જ્યારે 6 ડિસેમ્બર સુધીમાં ફોર્મ પરત ખેંચી શકાશે.
ગુજરાતમાં પ્રતિષ્ઠાના જંગ સમાન જસદણ પેટા ચૂંટણી માટે ભાજપ-કોંગ્રેસ બંને રાજકીય પાર્ટીઓ જીત માટેની તૈયારીઓ કરી રહી છે. ભાજપના ઉમેદવાર કુંવરજી બાવળિયા છે તો કોંગ્રેસ હજુ પેનલ સેટ કરવામાં પડી છે.