જાપાનના એક પ્રોફેસરે એક TV ડિઝાઈન કર્યું છે જે માત્ર સ્વાદિષ્ટ વાનગીઓ જ નથી બતાવે પણ તેનો સ્વાદ પણ આપે છે.કહેવાનો મતલબ એ છે કે ટીવી દર્શકો સ્ક્રીનને ચાટીને તેના પર દેખાતી ખાણીપીણીનો સ્વાદ ચાખી શકે છે.
આ TVમાં 10 પ્રકારના સ્વાદ ચાખવા મળશે
એક અહેવાલ અનુસાર જાપાનમાં એક પ્રોટોટાઈપ Lickable TV બનાવવામાં આવ્યું છે. જે ભોજનના સ્વાદની નકલ કરે છે. આ અનોખા TVની શોધ કરનાર પ્રોફેસરે તેનું નામ ટેસ્ટ ધ TV રાખ્યું છે. પ્રોફેસરે જણાવ્યું કે, આ ટીવી જોનારા લોકો 10 પ્રકારના સ્વાદનો અનુભવ કરી શકે છે. તેણે કહ્યું જો તમે TV સ્ક્રીન પર કોઈ ખાદ્યપદાર્થ જોઈ રહ્યાં છો. તો તમે તેને ચાટીને તેનો અસલ સ્વાદ અનુભવશો
TV સ્ક્રીન પર એક હાઈજેનિક ફિલ્મ લગાવી છે જેથી ચેપનો કોઈ ખતરો ન રહે.
આ TV મેઈજી યુનિવર્સિટીમાં પ્રદર્શનમાં મૂકવામાં આવ્યું હતું. જ્યાં વિદ્યાર્થીઓએ તેનું પરિક્ષણ કર્યું હતું. TV સ્ક્રીન પર એક હાઈજેનિક ફિલ્મ લગાવવામાં આવી હતી. જેથી ચેપનો કોઈ ખતરો ન રહે. આ અંગે યુનિવર્સિટીના પ્રોફેસર હોમી મિયાશિતાએ જણાવ્યું હતું કે, આ પ્રકારની ટેકનોલોજી રોગચાળાના યુગમાં લોકોને બહારની દુનિયા સાથે કનેક્ટ થવાની અને સંપર્ક કરવાની રીતને સુધારી શકે છે. તેમણે વધુમાં જણાવ્યું હતું કે, આ ઉપકરણનો ઘ્યેય વિશ્વની સ્વાદિષ્ટ વાનગીઓનો સ્વાદ તેમના ઘરે બેઠલા લોકો સુધી પહોંચાડવાનો છે.
TVનું કોમર્શિયલ વર્ઝન બનાવવા માટે 875 ડોલરનો ખર્ચ થશે
TVની ટેસ્ટિંગ દરમિયાન યુનિવર્સિટીની એક વિદ્યાર્થીનીએ કહ્યું કે, ચોકલેટનો સ્વાદ ચાખવા માંગે છે. ત્યારબાદ સ્ક્રીન પર ચોકલેટની તસવીર દેખાડવામાં આવી અને યુવતીને તેને ચાટવા માટે કહેવામાં આવ્યું હતું. થોડીવારમાં છોકરીએ કહ્યું કે, ટેસ્ટ ખૂબ સારો છે. અને મિલ્ક ચોકલેટ જેવો દેખાય છે. પ્રોફેસર હોમી મિયાશિતા પાસે 30 લોકોની ટીમે છે. તેમણે જ આ ટીવી તૈયાર કર્યું છે. તેણે જણાવ્યું કે, આ ટીવીનું કોમર્શિયલ વર્ઝન બનાવવા માટે લગભગ 875 ડોલરનો ખર્ચ થશે