જાપાનના 38 વર્ષીય શોજી મોરીમોટોએ પોતાની જાતને ભાડે આપવાનું કામ શરુ કર્યું છે અને આ રીતે તે દરરોજના 7000 રુપિયા કમાય છે.
જાપાનના 38 વર્ષીય શોજી મોરીમોટોએ શરુ કરી નવી નોકરી
7000 રૂપિયા લઈને પોતાની જાત ભાડે આપે છે
અત્યાર સુધીમાં લાખો રુપિયા કમાયો છે
એકલતાથી પીડિત લોકો તેની સેવાનો લાભ ઉઠાવે છે
જાપાનના 38 વર્ષીય શોજી મોરીમોટો ખૂબ જ અનોખી નોકરી કરે છે. શોજી મોરીમોટો લોકોને પોતાની જાત ભાડે આપે છે.હા, ભલે તે વિચિત્ર લાગે, પરંતુ સત્ય એ છે કે શોજી મોરીમોટો પોતાની જાતને ભાડે આપીને રોજના લાખો રુપિયા કમાય છે.
રિપોર્ટ અનુસાર, શોજી મોરીમોટો જાપાનના ટોક્યોમાં રહે છે. અજાણ્યા લોકો તેમને ભાડે રાખે છે અને તેમની સાથે સમય વિતાવે છે. રસપ્રદ વાત એ છે કે શોજી મોરીમોટો કોઈ કામ કરતો નથી. પરંતુ ક્લાયન્ટ પાસેથી 10,000 યેન (લગભગ 7000 રૂપિયા) ચાર્જ કરે છે. મુસાફરી અને ખોરાકના ખર્ચનો પણ અલગથી ચાર્જ લે છે. અત્યાર સુધીમાં મોરીમોટોએ 3,000થી વધુ લોકોને સેવા આપી છે. બેથી ત્રણ લોકો મોરીમોટોને દરરોજ ભાડે લઈ જાય છે. અત્યાર સુધી તેણે લાખો રૂપિયાની કમાણી કરી છે.
શા માટે લોકો શોજી મોરીમોટોને ભાડે લઈ જાય છે
એકલા એકલા રહીને કંટાળી ગયેલા અને એકલાથી પીડિત વ્યક્તિ શોજીને ભાડે લઈ જાય છે અને તેની સાથે સમય પસાર કરે છે. ઘણા લોકો શોજી ભાડે આપે છે કારણ કે તેઓ કંટાળી ગયા છે અથવા એકલતાથી પીડાય છે. શોજી લોકો સાથે બેસે છે, થોડી વાતો કરે છે, થોડો જવાબ આપે છે અને બપોરના ભોજન/રાત્રિભોજન પછી પાછો આવે છે.
કોણ કસ્ટમર બને છે શોજી મોરીમોટાના
જેમને કોઈ સાંભળતું ન હોય, બીમારીથી પીડિત, એકલા રહેતા લોકો અથવા બીજી તકલીફથી પીડિત લોકો શોજી મોરીમોટાના કસ્ટમર બને છે અને તેને હજારો રુપિયા આપીને ભાડે રાખે છે અને પછી તેની સાથે સમય પસાર કરે છે. શોજી જણાવે છે કે કેટલાક લોકો તેની પાસે ઘરેલુ કામ પણ કરાવે છે તો વળી બીજા કેટલાક ન્યૂડ પોઝ કે દોસ્ત બનવાનું પણ જણાવે છે.
રોજગારી કમાવા 2018માં શરુ કર્યું હતું આ કામ
શોજીએ રોજગારી કમાવા માટે 2018માં આ નવીન નોકરી શરુ કરી હતી. તેણે Do Nothing Rent-a-Man નામનું એક ટ્વિટર એકાઉન્ટ પણ શરુ કરાવ્યું હતું જેના 2 લાખથી વધારે ફોલોઅર પણ છે.