BIG NEWS / ઈન્ડિયા સે આયા મેરા દોસ્ત : PM મોદીના પ્રવાસ દરમ્યાન જપાને કરી મોટી જાહેરાત, સ્માર્ટ સિટી અને 5Gમાં આપશે યોગદાન

• જાપાનની ભારતને મોટી ભેટ
• NEC કોર્પોરેશનના ચેરમેનની મોટી જાહેરાત
• સ્માર્ટ સિટી અને 5G પ્રોજેક્ટમાં કરીશું મદદ

પ્રધાનમંત્રી મોદીની મુલાકાતને પગલે ભારતને જાપાન તરફથી પહેલી મોટી મદદ મળી છે. જાપાને સ્માર્ટ સિટી અને 5જી પ્રોજેક્ટમાં યોગદાન આપવાની જાહેરાત કરી દીધી છે. જાપાનની આ મોટી જાહેરાતને પીએમ મોદીની મુલાકાતની પહેલી સફળતા ગણવામાં આવી રહી છે. પીએમ મોદી NEC કોર્પોરેશનના ચેરમેન નોબુહિરો એન્ડોને મળ્યાં હતા અને તેમની સાથે રોકાણને લઈને ચર્ચા કરી હતી.

Japan to contribute to smart cities, 5G projects in India: NEC Corporation Chairman

Read @ANI Story | https://t.co/PUeiDO6pbo#Japan #India #QuadSummit #NECCorporation pic.twitter.com/6ASLOhZxMS

— ANI Digital (@ani_digital) May 23, 2022

જાપાન સ્માર્ટ સિટિ અને 5G પ્રોજેક્ટમાં ભારતને મદદ કરશે- NEC ચેરમેન

ઈન્ડીયા-જાપાન કોર્પોરેશનને નવી દિશા આપતા NEC કોર્પોરેશનના ચેરમેન  નોબુહિરો એન્ડોએ એવી જાહેરાત કરી કે જાપાન સ્માર્ટ સિટિ અને 5G પ્રોજેક્ટમાં ભારતને મદદ કરશે. 

PM @narendramodi met Mr. Nobuhiro Endo, the Chairman of NEC Corporation. Mr. Endo spoke about opportunities in India in areas such as smart cities, emerging technologies and an innovative effort to encourage learning of Japanese in India. pic.twitter.com/UJ4H4R0OOM

— PMO India (@PMOIndia) May 23, 2022

જાપાનના એલાન બાદ સ્માર્ટ સિટી અને 5જી પ્રોજેક્ટમાં આવશે ઝડપ

જાપાનના એલાન બાદ સ્માર્ટ સિટી અને 5જી પ્રોજેક્ટમાં ઝડપ આવશે. હાલમાં ભારતમાં આ બન્નેમાં ધમધોકાર ચાલી રહ્યું છે. 

અમારી સાથે ભારતના 6000 એન્જિનિયરો કાર્યરત, ભારત સાથે કામ ચાલી રાખીશું

પ્રધાનમંત્રી મોદી સાથેની મુલાકાત બાદ  નોબુહિરો એન્ડોએ કહ્યું કે ભારતમાં મજબૂત માળખાકિય સુવિધાઓ ઊભી કરવાનો અમારી તીવ્ર ઈચ્છાશક્તિ છે. તેમણે કહ્યું કે સ્માર્ટ સિટિના દ્રષ્ટિકોણથી અમે યોગદાન આપીશું અને 5જી જેવા કમ્યુનિકેશન પ્લેટફોર્મની સુવિધા પૂરી પાડીશું. અમારી પાસે આ તમામ સવાલના જવાબ છે. ભારતમાં સલામત અને સુરક્ષિત 5G સિસ્ટમ પુરી પાડવા માટે ટેલિકોમ ઓપરેટર્સ સાથે સહયોગની ખાતરી આપતા તેમણે કહ્યું કે આ યોગદાન આપવા માટે અમારે ભારત સાથે કમ્યુનિકેશન કરવાની જરુર છે જેથી કરીને અમે 5જીમાં મદદ કરી શકીએ. અમારે સુરક્ષા અને સલામતીની પુષ્ટિ જોઈએ છે. તેમણે કહ્યું કે અમારી સાથે ભારતના 6000 એન્જિનિયરો કાર્યરત છે તેઓ અમારી સાથે નજીકથી કામ કરી રહ્યાં છે. અમે તેમની સાથે અમારો પ્રોજેક્ટ આગળ ચલાવવાનું ચાલુ રાખીશું. 

ભારતમાં થઈ ચૂક્યું છે 5જીનું સફળ ટેસ્ટિંગ
ઉલ્લેખનીય છે કે ભારતમાં 5જી સેવાનું સફળ ટેસ્ટિંગ થઈ ચૂક્યું છે અને નવેમ્બર 2022માં દેશમાં 5જી સેવા શરુ થવાની ધારણા છે અને હવે આ સેવામાં ઝડપ આવશે કારણ કે જાપાને સીધી રીતે 5જી સેવામાં સપોર્ટ આપવાની જાહેરાત કરી દીધી છે. 

પીએમ મોદીએ અનેક ઉદ્યોગપતિઓ સાથે કરી મુલાકાત
પીએમ મોદીએ જાપાનમાં અનેક ઉદ્યોગપતિઓ સાથે મુલાકાત કરી હતી અને સોફ્ટબેંક ગ્રૂપ કોર્પના બોર્ડ ડિરેક્ટર માસાયોશી સોન, સુઝુકી મોટર કોર્પોરેશનના સલાહકાર ઓસામુ સુઝુકીને મળ્યા હતા.

પીએમ મોદી- આપણી વચ્ચે વિશ્વાસ, પારદર્શિતા, સમયસૂચકતા જરૂરી
ભારત-વેપાર વેપાર કરાર હેઠળ અમેરિકા, જાપાન અને ભારત વચ્ચે બેઠક શરૂ થઈ ગઈ છે. આ બેઠકમાં વડાપ્રધાન નરેન્દ્ર મોદી, અમેરિકાના રાષ્ટ્રપતિ જો બિડેન, જાપાનના વડાપ્રધાન ફુમિયો કિશિદા અને અમેરિકાના વિદેશ મંત્રી એન્ટોની બ્લિન્કેન હાજર રહ્યા હતા. વડાપ્રધાન મોદીએ કહ્યું કે, "ભારત આપ સૌની સાથે મળીને એક સમાવેશી અને લચીલું 'ઈન્ડો-પેસિફિક ઈકોનોમિક મોડલ' બનાવવા માટે કામ કરશે. આપણી વચ્ચે વિશ્વાસ, પારદર્શકતા, સમયસૂચકતા હોવી જોઈએ. તેનાથી ઈન્ડો-પેસિફિક ક્ષેત્રમાં વિકાસ, શાંતિ અને સમૃદ્ધિનો માર્ગ મોકળો થશે.