ઘટતી વસ્તીની સમસ્યાથી પરેશાન જાપાનમાં આ વર્ષે નવ લાખથી પણ ઓછાં બાળકોનો જન્મ થયો. જાપાનના જનકલ્યાણ મંત્રાલય દ્વારા જારી કરાયેલા આંકડા અનુસાર ૨૦૧૯માં દેશમાં માત્ર ૮,૬૪,૦૦૦ બાળકોએ જન્મ લીધો.
ઘટતી વસ્તીની સમસ્યાથી જાપાન ચિંતાતૂર
જાપાનમાં આ વર્ષે નવ લાખથી પણ ઓછાં બાળકોનો જન્મ થયો
૨૦૧૯માં દેશમાં માત્ર ૮,૬૪,૦૦૦ બાળકોએ જન્મ લીધો
૧૮૯૯થી વસ્તી સંબંધિત આંકડા લેવાની શરૂ થઇ ત્યારથી શિશુ જન્મદરનો આંક સૌથી ઓછો આંકડો છે. વર્ષ ૨૦૧૮માં દેશમાં ૯,૧૮,૪૦૦ બાળકો જન્મ્યાં હતાં. તાજેતરના આંકડા પરથી એ પણ જાણવા મળે છે કે જાપાનામાં આ વર્ષે જન્મની તુલનાએ મોતનો આંકડો ૫,૧૨,૦૦૦ વધુ રહ્યો હતો. તે પણ જન્મ અને મૃત્યુમાં અત્યાર સુધીનું સૌથી મોટું અંતર છે.
ઘટતી વસ્તીની ચિંતાની વચ્ચે જાપાન સરકારે આશા વ્યક્ત કરી છે કે આ વર્ષે જન્મદર ગયા વર્ષ કરતાં ૧.૪૨ ટકાથી થોડો વધુ રહેશે. જાપાનની વસ્તી હાલમાં ૧૨.૬૮ કરોડ છે. વૃદ્ધોની વસ્તી ખૂબ જ ઝડપથી વધી રહી છે. જાપાનમાં મોટા ભાગના યુવાનો લગ્નનો પણ ઇન્કાર કરે છે.
ઓછાં બાળકો, ઓછા યુવાનો અને વધુ વૃદ્ધો દેશ માટે સંકટ છે. દેશની સામાજિક અને આર્થિક સ્થિતિ પર પણ તેની અસર પડી રહી છે.