પોલીસને જાણ કરવા છતાંય નક્કર કામગીરી ન થતા ગ્રામજનોએ દારૂની હાટડીઓને ઉજાગર કરી છે.
વડોદરાના સાવલી ગામે દેશી દારૂની હાટડીઓ
ગ્રામજનો અને બૂટલેગરો વચ્ચે ઘર્ષણ થયું
ગ્રામજનો દ્વારા જનતા રેડ કરાઇ
કહેવાતા ગાંધીના ગુજરાતમાં દારૂની હાટડીઓ સરેઆમ ધમધમી રહી છે. પોલીસ ફક્ત દરોડાના નામે નાટક કરી બુટલેગરોને છાવરીજ રહી હોય તેવુ લાગી રહ્યું છે. વડોદરાના સાવલી ગામે ખુલ્લે આમ ધમધમતી દેશી દારૂની હાટડીઑ પર તંત્ર દ્વારા કોઈ એક્શન ન લેવાતા ગ્રામજનોએ જનતા રેડ કરી દારૂના વેપલાનો પર્દાફાશ કર્યો છે. ગ્રામજનોનો આરોપ છેકે ભૂપેન્દ્ર મણીલાલ ચુનારા નામના બુટલેગર ગામમાં દારૂની હાટડીઓ ચલવે છે અને આસપાસના ગામમાં દારૂના ધમધોકાર વેચાણ પણ કરે છે પોલીસને જાણ કરી હોવા છતાં પણ પોલીસ હાથ પર હાથ ધરી બેસી રહી છે. નશાની લતના કારણે યુવાનોના અકાળે મૃત્યુ થઇ રહ્યાં છે.
જનતા રેડમાં ગ્રામજનો અને બૂટલેગરો વચ્ચે ઘર્ષણ
વડોદરાના સાવલી ગામે દેશી દારૂની હાટડીઓનો ખુદ ગ્રામજનોએ પર્દાફાશ કર્યો છે, સાવલી તાલુકાના રણજીતનગર ગામે દેશી દારૂ ખુલ્લેઆમ બનાવાઇ તો રહ્યો છે પણ આસપાસના પંથકમાં કોઈ રોક ટોક વગર વેચાઈ પણ રહ્યો છે. ગામમાંજ દારૂ મળતા યુવાનો નાની ઉમરથી જ નશાની લતે લાગી જતાં હતા જે બાદ આખરે ગ્રામજનોએ કંટાળી પોલીસને ફરિયાદ કરી હતી પણ પોલીસ દ્વારા બુટલેગરનો વાળ પણ વાંકો ન કરાતા આખરે ગ્રામજનોએ જનતા રેડ કરી દેશી દારૂ બનાવવાના વોશના પીપડાઓ શોધીને વિડિયો વાયરલ કર્યા છે. ગ્રામજાણો આરોપ કરી રહ્યા છે કે ભૂપેન્દ્ર મણીલાલ ચુનારા નામનો માથાભારે બુટલેગર અને પોલીસ અધિકારીઑની સાંઠગાંઠ છે. હપ્તા ઉપર સુધી પહોંચતા હોવાથી કોઈ પણ બુટલેગર સામે મો ખોલવા પણ તૈયાર નથી. જાણતા રેડ દરમિયાન ગ્રામજનો અને બૂટલેગરો વચ્ચે ઘર્ષણ થયું જેમાં હતું. નશાની લતના કારણે યુવાનો ના અકાળે મૃત્યુ ના કારણે ગ્રામજનો વિફર્યા હતા પોલીસ ને જાણ કરવા છતાંય કોઇ નક્કર કામગીરી ન કરવામાં આવતા ગ્રામજનોએ વિડિયો ઉતારી દારૂ વેચનારના નામ સાથે સોશિયલ મીડિયાનો સહારો લીધો હતો. દારૂ વેચવાનું બંધ કરવાનું કહેવા ગયેલ તારાબેન મહિડા નામની મહિલા પર બુટલેગરોને હુમલો કરી હાથ તોડી નાખ્યાં હતા.
VTVના સળગતા સવાલ
દેશી દારૂના વેચાણની કોણ આપી રહ્યું છે મંજૂરી?
મંજૂરી નથી આપી તો શા માટે ખુલ્લેઆમ વેચાય છે દારૂ?
ભૂપેન્દ્ર મણીલાલ ચુનારાની હિંમત પાછળ કોનો છે હાથ?
પોલીસ શા માટે દરોડા પાડીને કાર્યવાહી નથી કરતી?
દેશી દારૂની હાટડીઓ કેમ ધમધમી રહી છે ?
પોલીસને જાણ કરવા છતાંય કેમ નક્કર કામગીરી થતી નથી ?
ગ્રામજનોએ કેમ હલ્લાબોલ કરવું પડ્યું ?
બુટલેગરે કોની રહેમ નજર હેઠળ બેફામ બન્યા છે ?
નશાની લતના કારણે યુવાનોના અકાળે મૃત્યુ માટે કોણ જવાબદાર ?
દારૂબંધીના લીરા કેમ વારંવાર ઉડાડવામાં આવે છે ?
બેફામ બુટલેગરોને કોણ છાવરી રહ્યું છે ?
કેમ પોલીસ પૈસા ખાઇ બેસી ગઈ છે એટલે તેમનું કામ ગ્રામજનોએ કરવું પડ્યું