ટ્રાવેલ / જન્માષ્ટમી પર સળંગ 3 દિવસની રજાઓ, ફરવા જવાનો પ્લાન કરતા હોવ તો આ જગ્યાઓ છે બેસ્ટ

• જન્માષ્ટમી પર સળંગ ત્રણ દિવસની રજા 
• ફરવા જવું હોય તો આ જગ્યાઓ છે બેસ્ટ 
• મિત્રો કે પરિવાર સાથે જવાની આવશે મજા 

જેમ જેમ ઓગસ્ટ મહિનો નજીક આવે છે તેમ દર અઠવાડિયે એક પછી એક રજાઓ આવવા લાગે છે. જેમ 15મી ઓગસ્ટનો લોંગ વીકએન્ડ ગયો તેમ હવે ફરી જન્માષ્ટમીની 3 દિવસની રજાઓ આવી રહી છે. જો તમે તમારા છેલ્લા અઠવાડિયાના વેકેશનમાં ફરવા ન જઈ શક્યા હોવ તો આજે અમે તમને ચંદીગઢની કેટલીક એવી જગ્યાઓ વિશે જણાવવા જઈ રહ્યા છીએ. જ્યાં તમે જન્માષ્ટમીના 3 દિવસના વેકેશનમાં આરામથી મુસાફરી કરીને ઘરે પાછા ફરી શકો છો. ચંદીગઢ જેટલું સુંદર છે. તેની આસપાસની જગ્યાઓ પણ એટલી જ સુંદર છે. 

કસૌલી-Kasauli
આખા અઠવાડિયાના ઑફિસના કામ પછી આપણે ઈચ્છીએ છીએ કે થોડા દિવસો માટે શાંતિપૂર્ણ સ્થળ શોધીને ત્યાં સંપૂર્ણ આરામ કરીએ. આવું જ એક સ્થળ તમારા માટે બેસ્ટ છે અને તે છે કસૌલી. તમે 4 કલાકમાં ચંદીગઢ નજીકના આ સ્થળે સરળતાથી પહોંચી શકો છો. જ્યારે ત્યાં ઘણા ફરવા લાયક સ્થળ જે તમને શહેરના ઇતિહાસ વિશે જણાવે છે. અહીંના કેટલાક આકર્ષણો તમને ખુશ કરી દેશે. 

તમે વળાંકવાળા માર્ગોમાંથી દિયોદર અને ઓકના જંગલો જઈ શકો છો. ઉપરાંત, આસપાસના અદભૂત દ્રશ્યોનો આનંદ માણવા માટે કસૌલીની સૌથી ઊંચી જગ્યા મંકી પોઈન્ટની મુલાકાત લો. રાજ્યના સૌથી જૂના ચર્ચ, ક્રાઇસ્ટ ચર્ચની સ્થાપત્ય સુંદરતાને જોતા તમે અહીં તમારા 3 દિવસ આરામથી પસાર કરી શકો છો. 

નાહન-Nahan
સિરમુર રિયાસતની રાજધાની નાહન એક સમૃદ્ધ ઈતિહાસ અને વિરાસત વાળું શહેર છે. શિવાલિક શ્રેણીના સુંદર નજારાઓ સાથેનું આ હિલ સ્ટેશન તળાવોથી ઘેરાયેલું છે. નાહન એક નાનું શહેર હોવા છતાં, તમે તમારા અઠવાડિયાની રજાઓ અહીં પસાર કરી શકો છો. 

તમે મોલ રોડ પર ફરવા જઈ શકો છો અથવા અનેક ઈમારતોના સુંદર આર્કિટેક્ચરની ઘણી તસવીરો ક્લિક કરી શકો છો. નાહનનું જગન્નાથ મંદિર પણ કમ નથી. જો તમને થોડી વધુ મુસાફરી કરવામાં વાંધો ન હોય, તો તમે હિમાચલ પ્રદેશના સૌથી મોટા તળાવ રેણુકા તળાવમાં થોડા કલાકો વિતાવી શકો છો.

ચેઇલ-Chail
ચેઇલના શાંત અને સુંદર હિલ સ્ટેશનમાં વિશ્વનું સૌથી ઊંચું ક્રિકેટ મેદાન છે. દિયોદરના જંગલોમાં છુપાયેલ ચેઈલ કોઈ સ્વર્ગથી ઓછી નથી લાગતી. બહુ ઓછા લોકો જાણે છે કે ચેઇલ એક સમયે પટિયાલાના મહારાજાની ઉનાળાની રાજધાની હતી.

જો તમારા વેકેશન પ્લાનિંગમાં પ્રાકૃતિક સ્થળોનો પણ સમાવેશ કરવામાં આવ્યો હોય, તો તમે ચેઈલમાં ફરવા જઈ શકો છો. જો કે અહીં જોવા માટે વધારે જગ્યાઓ નથી, તમે ચેઈલ સેન્કચ્યુરી અને ચેઈલ પેલેસ જેવા સ્થળોની મુલાકાત લઈ શકો છો.

શિમલા-Shimla 
જો કોઈ તમને પૂછે કે ફેવરિટ હિલ સ્ટેશન કયું છે, તો ઘણા લોકોના મોઢામાંથી શિમલા નીકળી જશે, કારણ કે એક તો દિલ્હી અને ચંદીગઢની નજીક છે, સાથે જ તે દેશનું એક ખૂબ જ સુંદર હિલ સ્ટેશન પણ છે. અહીં અમે તમને ધ રિઝથી ફરવાની સલાહ આપીશું. 

આ શિમલામાં સૌથી લોકપ્રિય સ્થળ છે અને તમામ પ્રકારની સાંસ્કૃતિક પ્રવૃત્તિઓનું કેન્દ્ર પણ છે. તમે અહીં જાખુ, તારા દેવી અને કાલી બારી મંદિરોની પણ મુલાકાત લઈ શકો છો. એડવેન્ચર પ્રેમીઓએ મશોબરા અને કુફરીની પણ મુલાકાત લેવી જોઈએ. 

નારકાંડા-Narkanda 
એકાંત અને શાંત, નારકંડા સમુદ્ર સપાટીથી 2,708 મીટરની ઊંચાઈએ આવેલું છે. નાનકડું શહેર ગાઢ દિયોદર જંગલોથી ઘેરાયેલું છે. શિયાળામાં અહીંના શિખરો જાણે બરફથી ઢંકાયેલા હોય છે. વીકેન્ડ આવતા જ લોકો આ જગ્યાની મુલાકાત લેવા નીકળી પડે છે. 

અહીં તમે સ્કીઇંગ અને સ્નોબોર્ડિંગની મજા પણ માણી શકો છો, તમને જણાવી દઇએ કે અહીંની આ એક્ટિવિટી ઇન્ટરનેશનલ લેવલ પર ઘણી ફેમસ છે. તન્નુ જબર સરોવર નારકંડાનું એક લોકપ્રિય પ્રવાસી આકર્ષણ છે. હટુ નાગ માટેનો ટ્રેક તમને સુંદર દ્રશ્યોનો સંપૂર્ણ આનંદ આપશે.