ટિપ્સ / ઈમ્યુનિટી વધારવાની સાથે વજન ઘટાડવામાં મદદ કરે છે શ્રીકૃષ્ણની આ ફેવરિટ ચીજ, બનાવી લો ઘરે જ

• કૃષ્ણનું માખણ આ રીતે કરે છે મદદ
• ઈમ્યુનિટી વધારીને વજન ઘટાડવામાં કરે છે મદદ
• આ રીતે ઘરે જ બનાવી લો માખણ

કોરોનાના સંકટની વચ્ચે અત્યારે ઈમ્યુનિટીને જાળવી રાખવી એ ખૂબ જ મહત્વનું છે. એવામાં લોકો ડાયટમાં વિટામીન સીથી ભરપૂર ચીજોને સામેલ કરી રહ્યા છે. એક્સપર્ટ્સનું માનવું છે કે આ સમયે ઘરે બનાવેલું સફેદ માખણ ખાવામાં આવે તો તે હેલ્થને મોટો ફાયદો કરે છે. તેનો ટેસ્ટ પણ તૈયાર માખણ કરતાં થોડો ફીકો હોય છે પરંતુ તે શરીરને નુકસાન કરતું નથી. ઈમ્યુનિટી જાળવી રાખવાની સાથે વજન ઘટાડવામાં પણ માખણ મદદ કરે છે.  

આ છે માખણથી થતા ફાયદા

• સફેદ માખણમાં કેલ્શિયમ, ફોસ્ફરસ, વિટામીન એ અને વિટામીન ડી જેવા પોષક તત્વો મળી રહે છે. શિયાળામાં તેને ખાવાથી તમારી ઇમ્યુનિટી પણ સારી રહે છે. ખાસ કરીને સાંધાના દુઃખાવામાં તેને લાભદાયી માનવામાં આવે છે. 
• સફેદ માખણમાં એન્ટી ફંગલ અને એન્ટી બેક્ટેરિયલ ગુણો હોય છે. જે શરીરને અંદરથી મજબૂત કરે છે અને સીઝનલ બીમારીથી લડવાની તાકાત પણ આપે છે. 
• વજન ઓછું કરવા માટે લોકો મોટાભાગે માખણથી દૂર રહે છે પરંતુ ખરેખર તો તમે વિના સંકોચ તેને ખાઈ શકો છો. પેકેટવાળું માખણ કરતાં ઘરે બનાવેલું માખણ ઓછી કેલેરી ધરાવે છે. તેનાથી શરીરમાં ફેટની સમસ્યા રહેતી નથી. 
• બજારના સાધારણ માખણમાં સોડિયમ વધારે હોય છે. હ્રદય સાથે જોડાયેલી સમસ્યાઓ માટે તે જવાબદાર હોય છે. સફેદ માખણમાં સોડિયમનું પ્રમાણ ઝીરો હોવાના કારણે તેમાં આવી સમસ્યા આવતી નથી. 
• સફેદ માખણ હાયર બ્રેન એક્ટિવીટી માટે પણ સારું માનવામાં આવે છે. તેમાં એરાકિડોનિક એસિડ બ્રેનની સાથે ફંક્શન અને એક્ટિવિટી માટે સારું રહે છે. બાળકોના ડાયટમાં તેને સામેલ અચૂક કરો. 

આ રીતે ઘરે બનાવી લો સફેદ માખણ

થોડા દિવસ સુધી દૂધની મલાઈને કાઢીને એક વાસણમાં ભેગી કરો. તેને ફ્રિઝમાં રાખો. જ્યારે વધારે પ્રમાણમાં મલાઈ તૈયાર થાય ત્યારે તેમાં 2 ચમચી દહીં નાંખીને તેને રાત ભર ફ્રિઝમાં રહેવા દો. સવારે લગભગ 1 ગ્લાસ ઠંડા પાણીને મલાઈમાં મિક્સ કરો. હવે તેને વલોણીથી મથો. અથવા તો તમે તેને મિક્સરમાં પણ ફેરવી શકો છો. તમારે તેને ત્યાં સુધી મિક્સ કરવાનું રહેશે જ્યાં સુધી તેમાંથી માખણ અલગ ન થાય. થોડી વારમાં ક્રીમની ઉપર માખણ તરવા લાગષે. હવે ચમચીની મદદથી માખણને એક અલગ વાસણમાં કાઢી લો અને ઉપયોગમાં લો.