જન્માષ્ટમીનો તહેવાર આ વર્ષે 11-12 ઓગસ્ટે મનાવવામાં આવશે. પંચાગ અનુસાર જન્માષ્ટમી 11 ઓગસ્ટ સવારે 9.07થી શરૂ થઈને 12 ઓગસ્ટ સવારે 11.17 સુધી રહેશે. જ્યોતિષીઓનું માનવું છે કે આ જન્માષ્ટમીએ સવારે 8.37 મિનિટે વૃદ્ધિ યોગ બની રહ્યો છે જે અનેક રાશિઓને લાભ આપશે. આ રાશિઓમાં મેષ,કર્ક, સિંહ, ધન, મીન રાશિનો સમાવેશ થાય છે. આ યોગ લાભદાયી રહેશે. વૃદ્ધિ યોગ અને જન્માષ્ટમીનો તહેવાર આ 5 રાશિ પર પોતાની કૃપા વરસાવશે.
જન્માષ્ટમીએ બનશે આ 1 યોગ
5 રાશિને મળશે ધન લાભ
આ છે જન્માષ્ટમીનું શુભ મૂહૂર્ત
માનવામાં આવે છે કે વૃદ્ધિ યોગમાં કરાયેલા કામમાં ચોક્કસ સફળતા મળે છે. નવા રોજગાર કે વેપાર શરૂ કરનારાને આ યોગથી સફળતા મળે છે. આ યોગમાં કરાયેલા કામમાં ન તો કોઈ અડચણ આવે છે અને ન તો તેમાં કોઈ નુકસાન પણ થાય છે.
મેષ
જન્માષ્ટમી પર બની રહેલા વૃદ્ધિ યોગથી મેષ રાશિના જાતકોની આર્થિક સ્થિતિ મજબૂત થશે. ધન અને સંપત્તિનો લાભ થશે. વ્યાપારમાં બમણાથી પણ વધારે ફાયદો થશે. આ દિવસે તમારો શુભ રંગ પીળો હશે અને ભાગ્યનો સાથ 90 ટકા રહેશે.
કર્ક
કર્ક રાશિને જન્માષ્ટમી પર વૃદ્ધિ યોગથી ધન મળશે, કરિયરમાં સકારાત્મક બદલાવના યોગ બનશે. જીવનની કોઈ સમસ્યા હશે તો તે પણ ઉકેલાશે. તમારો શુભ રંગ આસમાની છે અને ભાગ્યનો સાથ 80 ટકા મળશે.
સિંહ
સિંહ રાશના ભાગ્યમાં ધનના યોગ બની રહ્યા છે. ઉધારે આપેલું ધન આપમેળે પાછું આવશે. ઘર, મકાન અને વાહન પર ખર્ચ થઈ શકે છે. સંતાન પક્ષે સુખ મળી શકે છે. તમારો શુભ રંગ ગ્રે રહેશે અને ભાગ્યનો સાથ 75 ટકા મળશે.
ધન
જન્માષ્ટમી પર તમને કરિયરમાં લાભ થઈ શકે છે. વૃદ્ધિ યોગથી વ્યાપારમાં લાભ મળી શકે છે. સાથે જ કોઈ શુભ સમાચાર પણ મળી શકે છે. તમારી વ્યસ્તતા વધશે. તમારો શુભ રંગ લાઈટ બ્રાઉન રહેશે અને ભાગ્યનો સાથ 75 ટકા મળશે.
મીન
લાંબા સમયથી ચાલી રહેલી મુશ્કેલીઓમાં અચાનક ધનલાભ તમારી મદદ કરશે. કરિયરમાં તમને સફળતા મળશે, પરિવારમાં પણ શુભ કાર્યો પૂરા કરવાનો યોગ્ય સમય છે. તમારો શુભ રંગ આસમાની છે અને ભાગ્યનો સાથ 80 ટકા મળશે.