કોરોના વાયરસને કારણે એક્ટ્રેસ જાહ્નવી કપૂર પણ ઘરમાં કેદ છે અને પોતાની બહેન ખુશી કપૂર સાથે ક્વોલિટી ટાઈમ સ્પેન્ડ કરી રહી છે. જાહ્નવી ઘરે રહીને તેની નાની બહેનને ખૂબ હેરાન કરી રહી છે. સોશિયલ મીડિયા પર જાહ્નવીએ કેટલાક ફોટોઝ અને વીડિયો શેર કર્યાં છે. જેમાં તે ખુશી સાથે મસ્તી કરતાં અને તેને હેરાન કરતાં જોવા મળી રહી છે.
લોકડાઉનને કારણે એક્ટ્રેસ જાહ્નવી કપૂર પણ ઘરમાં કેદ છે
હાલ તે નાની બહેન સાથે ક્વોલિટી ટાઈમ સ્પેન્ડ કરી રહી છે
તમને જણાવી દઈએ કે, બહેન ખુશી સાથેની તેની તસવીરો અને વીડિયો સોશિયલ મીડિયા પર ખૂબ જ વાયરલ થઈ રહ્યાં છે. તેણે આ તસવીરો અને વીડિયો શેર કરતાં લખ્યું- બહેનને હેરાન કરવાની 101 રીત. ફેન્સ પણ તેના આ તસવીરો અને વીડિયો જોઈને ખૂબ કમેન્ટ્સ કરી રહ્યાં છે.
જાહ્નવી અને ખુશી ફિલ્મ ઈન્ડસ્ટ્રીના ફેમસ સ્ટાર કિડ્સમાંથી એક છે. જાહ્નવી તેની એક્ટિંગ અને કામથી બોલિવૂડમાં નામ કમાવી રહી છે તો બીજી તરફ તેની નાની બહેન ખુશીના બોલિવૂડ ડેબ્યૂની દર્શકો રાહ જોઈ રહ્યાં છે. શ્રીદેવી અને બોની કપૂરની બંને દીકરીઓ હમેશાં ચર્ચામાં રહેતી હોય છે.
જાહ્નવીના વર્કફ્રંટની વાત કરીએ તો તે રાજકુમાર રાવની સાથે ફિલ્મ રૂહી અફજામાં જોવા મળશે. આ ફિલ્મમાં વરૂણ શર્મા પણ હશે. આ સિવાય તે કરણ જોહરના પ્રોડક્શનમાં બની રહેલી બે ફિલ્મો દોસ્તાના 2 અને તખ્તમાં પણ કામ કરી રહી છે. હાલ લોકડાઉનને કારણે આ ફિલ્મોનું શૂટિંગ રોકાઈ ગયું છે.