શ્રી દેવીની પુત્રી જાહ્નવી કપૂર આજે પોતાનો 23 મો જન્મદિવસ ઉજવી રહી છે. દિવંગત અભિનેત્રી શ્રીદેવીની પુત્રી જાહ્નવી કપૂર બોલિવૂડમાં ડેબ્યુ કરી ચુકી છે. બોલિવૂડમાં ડેબ્યુ કર્યા પહેલાં જ જાહ્નવી પોતાની લવ લાઈફના કારણે ખુબ ચર્ચામાં રહી છે. જાહ્નવી કપૂરે વર્ષ 2018માં ફિલ્મ ધડકથી પોતાના કરિયરની શરૂઆત કરી હતી. આ ફિલ્મની રિલીઝ પહેલાં જ તે અક્ષત રંજનની સાથે પોતાના રિલેશનને લઇ ખુબ ચર્ચામાં રહી છે. અક્ષત જાહ્નવીનો નાનપણનો મિત્ર છે.
જાહ્નવી પોતાની લવ લાઈફના કારણે રહી છે ખુબ ચર્ચામાં
અક્ષતે શેર કરેલી તસ્વીર પર જાહ્નવીએ આઈ લવ યુ પોસ્ટ કર્યું હતું
ઈશાન ખટ્ટર સાથે પણ જોડાઈ ચૂક્યું છે જાહ્નવી કપૂરનું નામ
જાહ્નવીના 21માં બર્થ ડે પર અક્ષતે પોતાના ઇંસ્ટાગ્રામ પ્રોફાઈલ પર પોતાની અને જાહ્નવીની તસ્વીર શેર કરી હતી જેના પર જાહ્નવીએ આઈ લવ યુ પોસ્ટ કર્યું હતું. ત્યારબાદથી બંનેના ડેટિંગને લઇ અફવાઓ ફેલાવવા લાગી હતી. જાહ્નવીની તસ્વીર હમેંશા અક્ષતના પ્રોફાઈલ પર જોવા મળતી હોય છે. રિપોર્ટ અનુસાર, જાહ્નવી અક્ષતની પ્રોમ ડેટ પણ રહી ચુકી છે. અક્ષતે તુફટ્સ યુનિવર્સિટીથી ઈંટરનેશનલ રિલેશન્સ અને ફિલ્મ એન્ડ મિડિયા સ્ટડીઝમાં અભ્યાસ કર્યો છે.
જો કે જાહ્નવીને આ મુદ્દા પર વાત કરતા કહ્યું હતું કે અક્ષત હવે તેની સાથે પબ્લિક એપિયરેંસથી બચે છે કારણ કે મીડિયામાં તેમના રિલેશનશિપને લઈને ઘણી વાતો થવા લાગી હતી. જાહ્નવીએ એક ઇન્ટરવ્યુમાં સ્પષ્ટતા કરી છે કે તે અક્ષતને ડેટ નથી કરતી. તેણે એમ પણ જણાવ્યું કે તેના પરિવારના સભ્યોએ સ્પષ્ટ રીતે કહ્યું હતું કે જો તને કોઈ છોકરો પસંદ હોય તો તું તેને અમને મળાય અને લગ્ન કરી લે જેના પર જાહ્નવી કહ્યું કે હું કઈ એ દરેક છોકરા સાથે લગ્ન ન કરી લઉ જેને હું લાઈક જ કરતી હોવું.
પૂર્વ યુનિયન મિનિસ્ટર સુશીલ કુમાર શિંદેના પૌત્ર છે શિખર
તે ઉપરાંત શિખર અને જાહ્નવીની ડેટિંગના સમાચારો મીડિયામાં આવતા રહેતા હોય છે. શિખર પૂર્વ યુનિયન મિનિસ્ટર સુશીલ કુમાર શિંદેના પૌત્ર છે. જો કે જાહ્નવીએ ક્યારેય આ મુદ્દા પર કોઈ કમેંટ નથી કરી. શિખર શાહરુખ ખાનના પુત્ર આર્યન ખાન અને અમિતાભની પૌત્રી નવેલી નંદાની સાથે નજરે આવી ચુક્યો છે.
શિખર સિવાય જાહ્નવી કપૂરનું નામ ઈશાન ખટ્ટર સાથે પણ જોડાઈ ચૂક્યું છે. બંને ફિલ્મ ધડકમાં સાથે કામ કરી ચુક્યા છે. અને કોફી વિથ કરણમાં અર્જુન કપૂર પણ જાહ્નવી કપૂર પર ઈશાનની કેમેસ્ટ્રી પર વાત કરી ચુક્યો છે. જો કે છેલ્લા દિવસોમાં સમાચાર એવા હતા કે કરિયર પર ફોકસ કરવા માટે બંને અલગ થઇ ગયા હતા.