જાહ્નવી કપૂર અને સારા અલી ખાન કરણ જોહરના ટોક શો કોફી વિથ કરણ 7 ના બીજા એપિસોડમાં પહોંચ્યા. આ દરમિયાન જાહ્નવીએ જણાવ્યું કે તેણે તેના શિક્ષક સાથે ફ્લર્ટ કર્યું છે.
કોફિ વિથ કરણ 7ના બીજા એપિસોડમાં પહોંચી જાહ્નવી
શોમાં જાહ્નવી કપૂરે કર્યા મોટા ખુલાસા
ટીર સાથે કરી ચુકી છે ફ્લર્ટ
કરણ જોહરના ટોક શો કોફી વિથ કરણની સાતમી સીઝન શરૂ થઈ ગઈ છે. શોના બીજા એપિસોડમાં ઈન્ડસ્ટ્રીની સુંદર અભિનેત્રીઓ જાહ્નવી કપૂર અને સારા અલી ખાન પહોંચી હતી. આ દરમિયાન બંનેએ ઘણા મુદ્દાઓ પર ખુલીને વાત કરી અને પોતાના સાથે જોડાયેલા ઘણા સિક્રેટ્સ પણ જણાવ્યા.
જાહ્નવીએ કર્યા આ ખુલાસા
શોમાં જાહ્નવી કપૂરે જણાવ્યું કે તેણે તેના ટીચર સાથે ફ્લર્ટ કર્યું છે. બિન્ગો રાઉન્ડમાં, કરણ જોહરે જ્હાન્વી અને સારાને એક લિસ્ટ આપ્યું અને બંનેએ તેમાં આપેલા કામની યાદીમાંથી તેના પર એક વર્તુળ બનાવવાનું હતું. જે તેમણે કર્યું છે. આમાં બંનેએ ફ્લર્ટિંગને લઈને હા પાડી હતી. જાહ્નવીએ જણાવ્યું કે તેણે તેના ટિચર સાથે ફ્લર્ટ કર્યું છે. અભિનેત્રીએ કહ્યું, 'શિક્ષક સાથે ફ્લર્ટ કર્યું અને તેનો મારા પર ક્રશ હતો. હું તેનું નામ ભૂલી ગઈ. પરંતુ તે ટકલા હતા અને ખૂબ જ ક્યૂટ હતા'.
કેમ કર્યુ હતું ટિચર સાથે ફ્લર્ટ?
જાહ્નવીએ જણાવ્યું કે તેની અટેન્ડેન્સમાં સમસ્યાને કારણે તેણે શિક્ષક સાથે ફ્લર્ટ કર્યું હતું. જાહ્નવીએ કહ્યું, "મેં કહ્યું, 'સોરી સર. હું ખરેખર દિલગીર છું. હવેથી એવું નહીં થાય અને પછી તેમણે કહ્યું, 'તારી આંખો સુંદર છે,' અને મેં કહ્યું, 'ખરેખર?' અને પછી તેણે કહ્યું, 'ડિઝની આઇઝ, હું તને એ નામથી જ બોલાવીશ.' અને પછી તેઓ મને આખું વર્ષ ડિઝની આઇઝ કહેતા હતા."
બે ભાઈઓને કરી ચુક્યા છે ડેટ
આ શોમાં કરણ જોહરે જણાવ્યું હતું કે એક સમયે જાહ્નવી અને સારા બે ભાઈઓને ડેટ કરી રહ્યા હતા. જે કરણની બિલ્ડિંગમાં રહેતા હતા. શોમાં સારાએ એમ પણ કહ્યું હતું કે તેને એક્ટર વિજય દેવેરાકોંડા પર ક્રશ છે.